சத்தியமங்கலம் பூ மார்க்கெட் விலை நிலவரம்

சத்தியமங்கலம் கரட்டூர் ரோட்டில் பூ மார்க்கெட் உள்ளது. இங்கு நாள்தோறும் காலை 7 மணி முதல் மதியம் 2 மணி வரை பூக்கள் ஏலம் நடைபெறும். நேற்று நடந்த ஏலத்துக்கு சத்தியமங்கலம் மற்றும் சுற்றுவட்டார பகுதியில் உள்ள 40 கிராமங்களைச் சேர்ந்த விவசாயிகள் 5 டன் பூக்களை ஏலத் திற்கு கொண்டு வந்திருந்தார்கள்.

இந்த ஏலத்தில் மல்லிகைப்பூ ஒரு கிலோ ரூ.1,575-க்கும், முல்லை ரூ.720-க்கும், காக்கடா ரூ.1,050-க்கும், செண்டுமல்லி ரூ.90-க்கும், பட்டுப்பூரூ.120-க்கும், ஜாதிமல்லி ரூ.700-க்கும், கனகாம்பரம் ரூ.900-க்கும், சம்பங்கி ரூ.30-க்கும், அரளி ரூ.200-க்கும், துளசி ரூ.40-க்கும், செவ்வந்தி ரூ.80-க்கும் ஏலம் போனது.

தீபாவளி பண்டிகை நெருங்கிவிட்டதால் தேவை அதிகரித்துள்ளது. அதனால் பூக்களின் விலையும் அதிகரித்துள்ளது என்று மார்க்கெட் நிர்வாகிகள் தெரிவித்தனர்.