ஈரோடு காங்கிரஸ் எம்.எல்.ஏ திருமகன் காலமானார்

ஈரோடு கிழக்கு தொகுதி காங்கிரஸ் எம்.எல்.ஏ. திருமகன்(46) ஈ.வெ.ரா காலமானார். இவர் காங்கிரஸ் மூத்த தலைவர் ஈ.வி.கே.எஸ் இளங்கோவன் மகன் ஆவார். உடல் நலக்குறைவால் மருத்துவமனையில் சிகிச்சை பெற்று வந்த அவர் இன்று மாரடைப்பால் காலமானார்.

தமிழக காங்., முன்னாள் தலைவர் இளங்கோவனின் மகனான திருமகன் ஈவெரா, தமிழக காங்கிரஸ் மாநில பொது செயலாளராக இருந்தார். கடந்த, 2021 சட்டசபை தேர்தலில், காங்கிரஸ் சார்பில் ஈரோடு கிழக்கு தொகுதியில் போட்டியிட்டு வென்றார். பி.ஏ., பொருளாதாரம் படித்துள்ள இவருக்கு மனைவியும், ஒரு மகளும் உள்ளனர்.

இவர் இன்று காலை திடீரென நெஞ்சு வலி ஏற்பட்டு, ஈரோட்டில் தனியார் மருத்துவமனையில் அனுமதிக்கப்பட்ட நிலையில் சிகிச்சை பலனின்றி இறந்தார்.

கடந்த, 2021 சட்டசபை தேர்தலில் அ.தி.மு.க.,வை சேர்ந்த .யுவராஜாவை 8,523 ஓட்டு வித்தியாசத்தில் வென்றார். இவர் தற்போது தமிழக காங்கிரஸ் கட்சியின் மாநிலப் பொதுச் செயலாளராக உள்ளார். இதற்கு முன்பு 2015ம் ஆண்டு முதல் தமிழ்நாடு காங்கிரஸ் கட்சியின் தகவல் தொழில்நுட்பம் மற்றும் சமூக ஊடகத் துறையின் தலைவராக இருந்துள்ளார்.

இவரது மறைவு செய்தியை கேட்டு கிழக்கு தொகுதி மக்கள் அனைவரும் சோகத்தில் மூழ்கியுள்ளனர்.