சென்னை ஐஐடியில் மேலும் 26 பேருக்கு கொரோனா தொற்று உறுதி

சென்னை ஐஐடியில் மேலும் 26 பேருக்கு கொரோனா தொற்று உறுதியானதையடுத்து மொத்த பாதிப்பு 171-ஆக அதிகரித்துள்ளது. புதிய வகை கொரோனா பாதிப்பு இல்லை என மக்கள் நல்வாழ்வுத்துறை செயலாளர் தெரிவித்துள்ளார்.

சென்னை ஐஐடியில் மேலும் 26 பேருக்கு கொரோனா தொற்று உறுதி செய்யப்பட்டுள்ளது. இதனால் பாதிக்கப்பட்டவர்களின் எண்ணிக்கை 171-ஆக அதிகரித்துள்ளது. ஐஐடியில் கொரோனா தொற்று ஏற்பட்டவர்கள், ஏற்கனவே உள்ள கொரோனா வகையால்தான் பாதிக்கப்பட்டுள்ளனர், புதிய வகை கொரோனா வைரஸால் யாரும் பாதிக்கப்படவில்லை என மக்கள் நல்வாழ்வுத்துறை செயலாளர் ராதாகிருஷ்ணன் தெரிவித்திருக்கிறார்.