/* */

அஷ்வின் அதிரடி: நடையை கட்டிய சென்னை சூப்பர் கிங்ஸ்

ஐபிஎல் 2022 சென்னை சூப்பர் கிங்ஸ் ராஜஸ்தான் ராயல்ஸ் அணிகளுக்கு இடையிலான போட்டியில், ராஜஸ்தான் அணி 5 விக்கெட் வித்தியாசத்தில் வெற்றி

HIGHLIGHTS

அஷ்வின் அதிரடி: நடையை கட்டிய சென்னை சூப்பர் கிங்ஸ்
X

அதிரடியாக ஆடி ராஜஸ்தான் அணிக்கு வெற்றியை தேடித்தந்த ரவிச்சந்திரன் அஷ்வின்

ஐபிஎல் 15-வது சீசனில் இன்று நடைபெற்ற 68-வது லீக் போட்டியில் ராஜஸ்தான் ராயல்ஸ் அணி சென்னை சூப்பர் கிங்ஸ் அணிகள் மோதின. இந்த போட்டியில் டாஸ் வென்ற சென்னை அணியின் கேப்டன் தோனி பேட்டிங்கை தேர்வு செய்தார்.

தொடக்க வீரராக களமிறங்கிய ருதுராஜ் 2 ரன்களில் டிரென்ட் போல்ட் பந்துவீச்சில் ஆட்டமிழந்தார். அவரை தொடர்ந்து களமிறங்கிய மொயின் அலி டிரென்ட் போல்ட் வீசிய 6-வது ஓவரில் ஒரு சிக்சர், 5 பவுண்டரி அடித்தார் . அந்த ஒரே ஓவரில் மொயின் அலி 26 ரன்கள் குவித்தார். மொயின் அலி ராஜஸ்தான் பந்துவீச்சாளர்களை துவம்சம் செய்து 19 பந்துகளில் அரைசதம் கடந்து அசத்தினார்.

கான்வே, ராயுடு, ஜெகதீசன் அடுத்தடுத்து ஆட்டமிழக்க கேப்டன் தோனி - மொயின் அலி ஜோடி நிதான ஆட்டத்தை வெளிப்படுத்தினர். 19-வது ஓவரில் தோனி 26 ரன்கள் எடுத்தநிலையில் சாஹல் பந்துவீச்சில் ஆட்டமிழந்தார். சிறப்பாக விளையாடி வந்த மொயின் அலி 57 பந்துகளில் 93 ரன்கள் அடித்து ஆட்டமிழந்தார். இறுதியில் சென்னை அணி 20 ஓவர்கள் முடிவில் 6 விக்கெட் இழப்பிற்கு 150 ரன்கள் குவித்தது.

ராஜஸ்தான் அணி தரப்பில் சஹால், மெக்காய் தலா 2 விக்கெட்கள் வீழ்த்தினர்.

151 ரன்கள் எடுத்தால் வெற்றி என்ற இலக்குடன்களமிறங்கிய ராஜஸ்தான் அணிக்கு ஆரம்பமே அதிர்ச்சியாக இருந்தது. அதிக ரன்கள் அடித்தவர்களுக்கான பட்டியலில் முதல் இடத்தில் இருக்கும் பட்லர் 2 ரன்களில் ஆட்டமிழந்து பெவிலியன் திரும்பினார். அடுத்து வந்த கேப்டன் சாம்சன் 15 ரன்களிலும், படிக்கல் 3 ரன்களிலும் ஆட்டமிழந்தனர்.

இருப்பினும் 39 பந்துகளில் அரைசதம் கடந்த ஜெய்ஸ்வால், சோலாங்கி வீசிய 15-வது ஓவரில் ஆட்டமிழந்தார். இதனால் ராஜஸ்தான் அணி 15-வது ஓவரின் முடிவில் 4 விக்கெட் இழப்பிற்கு 104 ரன்கள் எடுத்து இருந்தது.

கடைசி 5 ஓவரில் வெற்றிக்கு 47 ரன்கள் தேவைப்பட்ட நிலையில் அஸ்வின் - ஹெட்மயர் ஜோடி சேர்ந்தனர். ஹெட்மயர் 6 ரன்களில் நடையை கட்டினார், இருப்பினும் ஒரு பக்கம் ரவிச்சந்திரன் அஸ்வின் பவுண்டரி, சிக்சர்களாக அடித்து அதிரடி காட்டினார். இறுதி ஓவரில் வெற்றிக்கு 7 ரன்கள் தேவைப்பட 2 பந்து மீதம் இருக்க ராஜஸ்தான் அணி 151 ரன்கள் எடுத்து 5 விக்கெட்கள் வித்தியாசத்தில் சென்னை அணியை வீழ்த்தி வெற்றி பெற்றது.


அஸ்வின் 23 பந்துகளில் 40 ரன்கள் அடித்து அணிக்கு வெற்றியை தேடித்தந்தார். அத்துடன் பிளே ஆப் சுற்றுக்கும் தகுதி பெற்றுள்ள ராஜஸ்தான் அணி புள்ளிபட்டியலில் தற்போது 2-வது இடத்தில் உள்ளது.

முதல் தகுதி சுற்று ஆட்டத்தில் ராஜஸ்தான் ராயல்ஸ் அணி, குஜராத் டைட்டன்ஸ் அணியை எதிர்கொள்ளும்

Updated On: 20 May 2022 7:32 PM GMT

Related News

Latest News

  1. சினிமா
    ஹாட்ஸ்பாட் படம் எப்படி இருக்கு?
  2. அவினாசி
    கருவலூா் மாரியம்மன் கோவில் தேரோட்டம்; பக்தா்கள் பரவசம்
  3. திருப்பூர்
    ஆசிரியா்களுக்கு அவா்கள் வசிக்கும் பகுதிகளில் தோ்தல் பணி வழங்க ...
  4. திருப்பூர்
    ஆனைமலையாறு - நல்லாறு திட்டத்தை நிறைவேற்ற வலியுறுத்தல்
  5. திருப்பூர்
    திருப்பூா் மக்களவைத் தொகுதிக்கு தோ்தல் பாா்வையாளா்கள் நியமனம்
  6. அரசியல்
    பெரம்பலூர் தொகுதி திமுக வேட்பாளர் அருண்நேரு பிரச்சாரம் நாளை எங்கு?
  7. திருச்சிராப்பள்ளி மாநகர்
    திருச்சியில் வெப்பநிலை உயர்வால் ஆபத்து: மாவட்ட ஆட்சியர் எச்சரிக்கை
  8. சினிமா
    கா படம் எப்படி இருக்கு?
  9. மதுரை
    ஐந்து ஆண்டுகளில் 10 மடங்கு உயர்ந்த மார்க்சிஸ்ட் வேட்பாளர் வெங்கடேசனின்...
  10. சிதம்பரம்
    குண்டுமணி தங்கம் கிடையாதாம்: திருமாவளவன் பிரமாண பத்திரத்தில் தகவல்