நவராத்திரி கொலு வைப்பது எப்படி.? எத்தனை படிகள் முதல், என்ன பொம்மைகளை வைக்கலாம்

நவராத்திரி கொலு படிகளுக்கு கீழே தினமும் விளக்கேற்றி, காலையும் மாலையும் நைவேத்தியம் செய்வது மிக மிக அவசியம்.

HIGHLIGHTS

  • Whatsapp
  • Telegram
  • Linkedin
  • Print
  • koo
  • Whatsapp
  • Telegram
  • Linkedin
  • Print
  • koo
  • Whatsapp
  • Telegram
  • Linkedin
  • Print
  • koo
நவராத்திரி கொலு வைப்பது எப்படி.? எத்தனை படிகள் முதல், என்ன பொம்மைகளை வைக்கலாம்
X

பைல் படம்

நவராத்திரி கொலு வைப்பது எப்படி.? எத்தனை படிகள் முதல், என்ன பொம்மைகளை வைக்கலாம் என்பது வரை.

நவராத்திரி கொலு படிகளுக்கு கீழே தினமும் விளக்கேற்றி, காலையும் மாலையும் நைவேத்தியம் செய்ய வேண்டும். ஒன்பது நாட்களுமே தவறாமல் செய்வது மிக மிக அவசியம். நவராத்திரிக்கு கொலு வைப்பதே ஒரு பண்டிகை போல கோலாகலமாக இருக்கும். இப்போதெல்லாம் கொலுப்படிகள் ரெடிமேடாகவே கிடைக்கின்றன. நீங்கள் எத்தனை படிகள் கொலு வைக்க விரும்புகிறீர்களோ, அந்த அளவுக்கு ஏற்றார்போல வாங்கி உடனடியாக பிக்ஸ் செய்து கொலு வைக்க தயாராகிவிடலாம். கொலு வைக்கும் முன்பு, படிகள் மீது பட்டு புடவை அல்லது புதிய புடைவை அல்லது துணி சாற்றி, அதன் பிறகுதான் பொம்மைகளை அடுக்க வேண்டும். எனவே கொலு வைப்பதற்காக புதிதாக புடவை வாங்கலாம் அல்லது பட்டு துணி சாற்றினாலும் பொருத்தமாக இருக்கும். கொலுப்படிகள் மூன்று, ஐந்து, ஏழு என்று ஒற்றைப்படையில் இருக்க வேண்டும்.

கடவுள் முதல் ஓரறிவு படைப்புகள் வரை:

பொதுவாக, பண்டைய பெரும்பாலானவர்களின் வீட்டில் ஏழு படிகள் அல்லது ஒன்பது படிகள் வைத்து தான் கொலு வைப்பார்கள். ஆனால் தற்பொழுது இடமின்மை அல்லது வேறு சில காரணங்களால் ஐந்து படிகள் மூன்று படிகள் என்று வைப்பவர்களும் இருக்கின்றனர். எத்தனை படிகள் வைத்தாலுமே, கீழிருந்து மேலாக 1,2 என்று எண்ணவேண்டும். மேலே இருக்கும் படியில், உயர்ந்த படியில் கடவுளின் பொம்மைகளை வைக்க வேண்டும். அதன் பிறகு சித்தர்கள், பிறகு மனிதர்கள், அதன் பிறகு வெவ்வேறு உயிரினங்கள் என்று வைக்க வேண்டும்.

படிகளின் எண்ணிக்கையை கீழிருந்து மேலாக, ஒன்று, இரண்டு என்று எண்ண வேண்டும்.முதல் படியில் வைக்க வேண்டிய பொம்மைகள்: மரம், செடி, கொடி, பூக்கள், போன்ற ஓரறிவு படைப்புகள்இரண்டாம் படியில் வைக்க வேண்டிய பொம்மைகள்: நத்தை, சங்கு போன்ற ஈரறிவு உயிரினங்கள்மூன்றாம் படியில் வைக்க வேண்டிய பொம்மைகள்: கரையான், எறும்புகள் போன்ற உயிரினங்கள்நான்காம் படியில் வைக்க வேண்டிய பொம்மைகள்: பூச்சி வகைகள், ஊர்வன, பறப்பன போன்ற உயிரினங்கள் ஐந்தாம் படியில் வைக்க வேண்டிய பொம்மைகள்: பறவைகள், விலங்கினங்கள் பொம்மைகள் ஆறாம் படியில் வைக்க வேண்டிய பொம்மைகள்: நடனமாடும் பொம்மைகள், மனிதர்களின் பொம்மைகளை வைக்கலாம்

ஏழாம் படியில் வைக்க வேண்டிய பொம்மைகள்: சாய் பாபா, மகா பெரியவர், ராகவேந்திரர் போன்ற சித்தர்கள், மகான்களின் பொம்மைகளை வைக்கலாம்.எட்டாம் படியில் வைக்க வேண்டிய பொம்மைகள்: அஷ்டலக்ஷ்மி, தசாவாதாரம் போன்ற இறைவனின் அவதாரங்களை வைக்கலாம்.ஒன்பதாம் படியில் வைக்க வேண்டிய பொம்மைகள்: கலசம் வைத்து, சிவ பெருமான், விஷ்ணு, பிரம்மா, விநாயகர், ஆகிய கடவுளரின் பொம்மைகளை வைக்கலாம்.

ஒரு சிலரின் வீட்டில் ஐந்து படி தான் இருக்கிறது எப்படி வைக்கலாம் என்றால், எத்தனை படிகள் வைத்தாலும், மேல் படியில் கடவுளின் சிலையைத்தான் வைக்க வேண்டும். பெரும்பாலும் சிவன் விஷ்ணு பிரம்மா, சிவபெருமானும் பார்வதி, உள்ளிட்டவர்களின் சிலைகளை முதல் படியில் வைக்கலாம். ஒரு சிலரின் வீட்டில், வழக்கமாக முதல் படியில் கலசம் மட்டும் வைத்து வழிபடும் பழக்கமும் உள்ளது. கலசம் வைத்த பிறகு அதற்கு அடுத்ததாக இருக்கும் படியில் மும்மூர்த்திகள், சக்தி தேவி, லட்சுமி தேவியின் பொம்மைகளை வைக்கும் பழக்கம் இருக்கிறது.

இன்னும் ஒரு சிலர், படிகளில் விதவிதமான கடவுள் பொம்மைகள் மட்டுமே வைப்பார்கள். விலங்குகள், பறவைகள், மனிதர்கள் பொம்மைகள், நடனமாடும் பெண்கள், இசை விளையாட்டு பொம்மைகள் போன்ற பலவிதமான கொலு பொம்மைகளை, கொலு படிக்கு பக்கத்தில், தரையில் புல் வளர்த்து அல்லது மணல் பரப்பி அதன் மீது அழகாக வைத்து அலங்கரிக்கும் பழக்கமும் இருக்கிறது.

பொம்மைகள் நிறைய இருக்கும் வீட்டில் படிகள் வைக்கும் பொழுது எல்லாப்படிகளிலுமே கடவுள் சிலைகள்தான் வைக்கப்படும். உதாரணமாக, சில ஆண்டுகளுக்கு முன்பு வெவ்வேறு வாத்தியங்களை இசைக்கும் விநாயகர் பொம்மைகள் மிகவும் பிரபலமாக இருந்தது. அதேபோல கிரிக்கெட், புட்பால் என்று விளையாட்டு பொருட்களை வைத்திருக்கும் விநாயகர் பொம்மைகளும் மிகவும் பிரபலமானது. அறுபடை முருகர், ராமர் பட்டாபிஷேகம் நடக்கும் பொம்மைகள் உள்ளிட்டவை மிகவும் பிரசித்தி பெற்றவை.

நீங்கள் திருமண செட், ஃபேன்சியான பொம்மைகள், அழகிகள், நடனமாடும் பெண்கள், கிருஷ்ணர் கோபியர், போன்ற பொம்மைகளை படிகளில் வைக்காமல் தனியே பக்கத்தில் மணல் பரப்பிலும் வைக்கலாம்.கொலு படிகளுக்கு கீழே தினமும் விளக்கேற்றி, காலையும் மாலையும் நைவேத்தியம் செய்ய வேண்டும். ஒன்பது நாட்களுமே தவறாமல் செய்வது மிக மிக அவசியம்.

Updated On: 22 Sep 2022 12:30 PM GMT

Related News

Latest News

  1. சினிமா
    'பொன்னியின் செல்வன்' படத்தை தாய்லாந்தில் பார்த்த வனிதா விஜயகுமார்..!
  2. தென்காசி
    தென்காசி மாவட்ட இன்றைய காய்கறி விலை நிலவரம்
  3. சினிமா
    மும்பை ஓட்டலில் தமிழ் நடிகை தூக்கிட்டு தற்கொலை
  4. லைஃப்ஸ்டைல்
    மற்றவர் காலில் விழுவது அவமானமா? வெகுமானமா?
  5. சினிமா
    'இந்தி தெரியாது போடா..!' - முதன் முதலில் தொடங்கி வைத்தவர் இயக்குநர்...
  6. நாமக்கல்
    2 வாரங்களாக குடிநீர் விநியோகம் இல்லாமல் நரிக்குறவர் காலனி மக்கள்...
  7. சினிமா
    அல்லு ஸ்டூடியோஸ் - 'ராமலிங்கையாகாரு'க்கான கௌரவம்..!
  8. தேனி
    கதாசிரியர் சோலைமலையை கட்டி பிடித்த சிவாஜி கணேசன்
  9. திருவண்ணாமலை
    மாவட்ட மத்திய கூட்டுறவு வங்கியின் பேரவை கூட்டம்
  10. திருவண்ணாமலை
    திருவண்ணாமலை அரசு கலைக்கல்லூரி மாணவர்கள் சாலை மறியல் போராட்டம்