2 வயது குழந்தைக்கு என்ன உணவு கொடுக்கலாம்..? அட்டவணை பாருங்க..!

Baby Food Chart in Tamil Language-உங்கள் மகிழ்ச்சிக்குரிய சின்னஞ்சிறிய பிஞ்சுக்குழந்தையின் அழகை முழுமையாக ரசித்து வளர்த்து இருப்பீர்கள். இப்போது அவர்கள் வளர்ந்து பல்வேறு உணவுகளை உண்ணும் நிலைக்கு வந்திருப்பார்கள். நாம் சாப்பிடும்போது அந்த உணவைக்கேட்டு அடம்பிடிப்பார்கள். சிறிது கொடுத்து பழக்குவதில் தவறில்லை.

நமது குடும்பத்திற்கு நாம் சமைக்கும் அனைத்து உணவுகளையும் குறைவான மசாலாப் பொருட்களுடன் குழந்தைக்குக் கொடுக்கலாம். ஒவ்வொரு நாளும் பலவிதமான உணவுகளை வழங்குங்கள். உங்கள் பிள்ளைக்கு இப்போது சில முன் பற்கள் முளைத்து இருக்கும். குழந்தை சில உணவுகளை மெல்லலாம். ஆனால் இறைச்சி அல்லது கடின உணவுகளை மெல்ல கடினமாக இருந்தால் கொடுக்கும்போது பிசைந்து அல்லது நசுக்கி சிறிய துண்டுகளாக கொடுப்பது நல்லது.

இப்போது உங்கள் குழந்தைக்கு ஒரு வயது ஆகிவிட்டது. அதனால் குழந்தை பசுவின் பால் குடிக்கலாம். பசுவின் பால் கால்சியம் எளிதில் கிடைக்கக்கூடிய ஆதாரமாகும். மேலும் இது குழந்தைக்கு தேவையான வைட்டமின்கள் மற்றும் புரதங்களையும் வழங்குகிறது. மேலும், குழந்தையும் அது வளரும்வரை தாய்ப்பால் கொடுப்பதைத் தொடரலாம்.

பசுவின் பாலை என் குழந்தைக்கு எப்படி குடிப்பதற்கு பழக்கலாம் ?

மூன்று வருடங்கள் வரை கட்டாயமாக பாலை விரும்பி குடிப்பார்கள். ஒரு நாளைக்கு 200 - 300 மில்லி (அதிகபட்சம்) பசுவின் பால் மட்டும் கொடுங்கள். பசுவின் பால் பரிந்துரைக்கப்பட்ட அளவைத் தாண்டி தரவேண்டாம். அது குழந்தைகளுக்கு பசி ஏற்படுவதைக் குறைக்கிறது. அதனால் அளவாக மட்டுமே தரவேண்டும். மேலும், பாலில் தண்ணீர் சேர்த்து தராதீர்கள். ஏனெனில் அது பாலின் ஊட்டச்சத்து அளவைக் குறைக்கிறது.

ஒருவேளை குழந்தை சாதாரண பாலை குடிக்க விரும்பவில்லை என்றால், பாலை வீட்டில் தயாரிக்கப்படும் மற்ற உணவுகளில் சேர்த்து சுவையாக கொடுக்க முயற்சி செய்யலாம். கஞ்சி, சர்க்கரைவள்ளிக் கிழங்கு, பழ சாலட் போன்றவைகளில் பால் சேர்த்து கொடுக்கலாம்.

12-18 மாத குழந்தையை தானே சாப்பிட வைக்கலாமா?

இந்த காலகட்டத்தில் குறுநடை போடும் குழந்தை தானே சாப்பிட தயாராக இருக்கலாம். இருப்பினும் குழந்தையால் அதைச் சரியாகச் செய்ய முடியாமல் போகலாம். சிறிய உதவியோடு ஒரு கோப்பையை பிடித்துக் குடிக்கக் கூடியவளாக இருக்க வேண்டும். மேலும் அவர்கள் கரண்டி அல்லது கைகளால் சாப்பிட ஆர்வமாக இருக்கலாம். அதற்கு உணவை நசுக்கி பிசைந்து சிறிய உருண்டைகளாக தட்டில் வைக்கலாம். அவர்களே அதை ஆர்வமாக எடுத்து சாப்பிட முயற்சிப்பார்கள். குழந்தை தானே சாப்பிட தயாராக இருந்தால் அவர்களை ஊக்குவிக்கவும். முடிந்தவரை குடும்பமாக சேர்ந்து சாப்பிடவும். இது நல்ல உணவுப் பழக்கத்தை வளர்க்க உதவுகிறது.

குறுநடை போடும் குழந்தைக்கு கைகளால் சாப்பிட என்ன உணவுகளை கொடுக்கலாம்..?

மென்மையான சமைத்த காய்கறிகள், பழங்கள், பாலாடைக்கட்டி, வறுக்கப்பட்ட பனீர், வீட்டில், பருப்பு சாதம் மற்றும் வேகவைத்த முட்டை போன்ற உணவுகளை தயாரித்து கொடுக்கலாம். அதை அவர்கள் விரும்பி ஆர்வமாக சாப்பிடுவார்கள். அவர்கள் தானே உண்பதை ஒரு பரிசோதனையாக செய்வார்கள்.

ஒரு வயது குழந்தைக்கு ஏற்படும் பசியில் மாற்றங்கள் என்ன?

ஒரு வருடக் குழந்தையின் வளர்ச்சி விகிதம் இயற்கையாகவே குறைந்து காணப்படும். எனவே, குழந்தைக்கு பசி ஏற்படுவது குறைந்திருக்கிறது என்று அர்த்தம். அதற்கு குறுநடை போடும் குழந்தை சாப்பிடுவதை விட சுற்றியுள்ள உலகத்தை பார்ப்பதில் அல்லது ஆராய்வதில் அவர்களுக்கு ஆர்வம் அதிகரித்து இருக்கும். ஒவ்வொரு நாளும் உட்கொள்ளும் உணவின் அளவு உங்கள் குழந்தையின் பசியைப் பொறுத்து பெரியது முதல் சிறிய அளவு வரை மாறுபடும். அதனால் குழந்தை சாப்பிடவில்லை என்றால் திணிக்கவேண்டாம். பசி வரும்போது அவர்களே சாப்பிடக்கேட்பார்கள்.

குறும்பு செய்யும் குழந்தையை எப்படி சாப்பிட வைப்பது ?

குறும்பு செய்யும் குழந்தைகளை சாப்பிட வைக்க சில குறிப்புகள் கீழே தரப்பட்டுள்ளன :

• உணவை முடிக்க வேண்டும் என்று குழந்தையை ஒருபோதும் கட்டாயப்படுத்தாதீர்கள். அவர்கள் தங்கள் சொந்த நேரத்தை எடுத்துக்கொண்டு உணவை அனுபவிக்கட்டும். உங்கள் குழந்தை உணவை மறுத்தால், சிறிது நேரம் கழித்து மீண்டும் முயற்சிக்கவும்.
  
• அவர்களே கையில் சாப்பிடுவதற்கு ஏராளமான உணவுகளை வழங்கி சுயமாக உணவை சாப்பிடுவதற்கு ஊக்கப்படுத்துங்கள்.
  
• குழந்தை உணவை அனுபவித்து உண்ணட்டும். அது விளையாடுவதும் குறும்பு செய்வதுமாக இருந்தாலும் கூட.பல்வேறு சத்தான சிறிய உணவுகளை வழங்குங்கள்.
• சர்க்கரை உணவுகளைக் குறைத்துவிடுங்கள். அதேபோல பதப்படுத்தப்பட்ட/ஜங்க் உணவுகளைத் தவிர்க்கவும்.
  
• உணவுப் பழக்கவழக்கங்களில் உங்கள் குழந்தைக்கு முன்மாதிரியாக இருங்கள்.

12-18 மாத குழந்தைக்கு எத்தனை முறை உணவு கொடுக்கலாம்..?

12-18 மாத குழந்தைக்கு, மூன்று வேளை உணவு, இடைப்பட்ட நேரத்தில் இரண்டு சிற்றுண்டி மற்றும் பசும்பால் வழங்கலாம். தாய்ப்பால் கொடுக்கும் தாயாக இருந்தால், உங்கள் குழந்தை விரும்பும் போதெல்லாம் தாய்ப்பால் கொடுக்கலாம். உங்கள் குழந்தையின் விருப்பத்திற்கு ஏற்ப உணவு மற்றும் சிற்றுண்டிக்கான நேரத்தைத் தேர்வு செய்யவும். சீரான இடைவெளியில் உணவு கொடுக்க முயற்சி செய்யுங்கள். குழந்தை உணவை மறுத்தால், சிறிது நேரம் கழித்து மீண்டும் முயற்சிக்கவும்.

12-18 மாத குழந்தைக்கு ஒரு நாளைக்கு எவ்வளவு உணவு கொடுப்பது?

குழந்தை சமச்சீரான உணவைப் பெறுவதை உறுதிசெய்ய, கீழே பட்டியலிடப்பட்டுள்ள நான்கு முதன்மை உணவுக் குழுக்களின் பல்வேறு உணவுகளை கொடுப்பதற்கு முயற்சி செய்யுங்கள். உணவின் அளவைப் பொறுத்தவரை, குழந்தையின் பசியைப் பொறுத்தே வழிநடத்தப்பட வேண்டும். ஏனெனில் பசி குழந்தைக்கு குழந்தைக்கு மாறுபடும். மேலும் பெரும்பாலான குழந்தைகள் நாளுக்கு நாள் மாற்றம்பெறுவார்கள். இங்கே தோராயமான அளவு மட்டுமே தரப்பட்டுள்ளது. ஒவ்வொரு உணவு மற்றும் சிற்றுண்டியிலும் இங்கு தரப்பட்டுள்ள அளவை வழங்குங்கள்.

• முழு தானியங்கள், தானியங்கள் மற்றும் கார்போஹைட்ரேட்டுகள் - ¼ கப் முதல் ½ கப் வரை
  
• பழங்கள் மற்றும் காய்கறிகள் - ¼ கப் முதல் ½ கப் வரை
• பால் மற்றும் பால் பொருட்கள் - 1 கப்
• இறைச்சி/புரதம்/இறைச்சி மாற்றுகள் - ¼ கப்

12-18 மாதக் குழந்தைக்கான மாதிரி இந்திய உணவு அட்டவணை

12-18 மாத குழந்தைக்கான சமையல் குறிப்புகளுடன் கூடிய மாதிரி உணவு அட்டவணை இங்கே உள்ளது

• உங்கள் குழந்தைகளின் உணவில் போதுமான ஊட்டச்சத்துடன் கூடிய பல்வேறு உணவுகளைச் சேர்க்க கீழே உள்ள அட்டவணை தயாரிக்கப்பட்டுள்ளது.
  
• கிடைக்கும் தன்மை, வசதி மற்றும் உங்கள் குழந்தையின் விருப்பம் ஆகியவற்றின் அடிப்படையில் இந்த அட்டவணையை பயன்படுத்துங்கள். ஆனால் கண்டிப்பாக பின்பற்ற வேண்டிய அவசியமில்லை.
  
• செய்முறையில் பட்டியலிடப்பட்டுள்ள எந்தவொரு மூலப்பொருளும் குழந்தைக்கு ஒவ்வாமை இருந்தால், அந்த பொருளை அகற்றுவதை உறுதிசெய்யவும்.
  
• குழந்தைக்கு தாய்ப்பால் கொடுத்தால், அட்டவணையைப் பொருட்படுத்தாமல் எப்போதும் தேவைக்கேற்ப கொடுக்கலாம்.

அடுத்த முக்கியமான செய்திகளை தெரிந்துகொள்ள: Click Here-1, Click Here-2