இந்தியாவில் கடந்த 24 மணி நேரத்தில் 5,357 புதிய கோவிட் பாதிப்புகள்

சுகாதார அமைச்சக தரவுகளின்படி, இந்தியாவில் கடந்த 24 மணி நேரத்தில் 5,357 புதிய கோவிட் பாதிப்புகள் பதிவாகியுள்ளன, செயலில் உள்ள பாதிப்புகள் 32,814 ஆக உள்ளது.

கடந்த 24 மணி நேரத்தில் மொத்தம் 659 தடுப்பூசிகள் போடப்பட்டுள்ளன. நாடு தழுவிய தடுப்பூசி இயக்கத்தின் கீழ் இதுவரை மொத்தம் 220.66 கோடி தடுப்பூசி டோஸ்கள் (95.21 கோடி இரண்டாவது டோஸ் மற்றும் 22.87 கோடி முன்னெச்சரிக்கை டோஸ்) வழங்கப்பட்டுள்ளன.

கடந்த 24 மணி நேரத்தில் 3,726 பேர் குணமடைந்ததால், மொத்த மீட்பு எண்ணிக்கை 4,41,92,837 ஆக அதிகரித்துள்ளது. மீட்பு விகிதம் 98.74 சதவீதமாக உள்ளது.

அதிகரித்து வரும் கோவிட் பாதிப்புகள் குறித்து உபி எச்சரிக்கையை வெளியிட்டுள்ளது. மருத்துவமனைகளில் முககைவசம் கட்டாயம் என கூறியுள்ளது. உத்தரபிரதேச துணை முதல்வர் பிரிஜேஷ் பதக், மாவட்டங்களில் கோவிட் கட்டளை மையங்களை செயல்படுத்தவும், மருந்துகள் மற்றும் உபகரணங்கள் போதுமான அளவில் கிடைப்பதை உறுதி செய்யவும் மாநிலம் முழுவதும் உள்ள அதிகாரிகளுக்கு அறிவுறுத்தினார்.

தொற்று பாதிப்பு அதிகரிப்புக்கு மத்தியில், பொது இடங்களில் முகக்கவசம் அணிவதை கட்டாயமாக்குவதாக அரியானா மாநில சுகாதாரத் துறை தெரிவித்துள்ளது.

கேரளாவில் கர்ப்பிணிப் பெண்கள், முதியவர்கள் மற்றும் பிற நோய்கள் உள்ளவர்களுக்கு முகக்கவசம் கட்டாயம் என்று சுகாதார அமைச்சர் வீணா ஜார்ஜ் தெரிவித்தார்.