மாநிலங்களவைக்கு 11 பேர்போட்டியின்றி தேர்வு

திட்டமிட்டபடி மேற்கு வங்கத்தில் 6 இடங்களுக்கும், குஜராத்தில் 3 இடங்களுக்கும், கோவாவில் ஒரு இடத்துக்கும் ஜூலை 24-ஆம் தேதி வாக்குப்பதிவு நடைபெறாது. ஏனெனில் இந்தத் தொகுதிகளில் போட்டி வேட்பாளர்கள் யாரும் இல்லை. தேர்தலில் போட்டியிடுவதற்கான வேட்புமனுக்களை வாபஸ் பெற இன்று கடைசி நாளாகும்.

6 திரிணாமுல் காங்கிரஸ் வேட்பாளர்களும், ஐந்து பாஜக வேட்பாளர்களும் போட்டியின்றி தேர்வு செய்யப்படுவர். மேற்கு வங்கத்தில் மாநிலங்களவைத் தொகுதி ஒன்றில் நடைபெற்ற இடைத்தேர்தலிலும் திரிணாமுல் வெற்றி பெற்றுள்ளது.

மாநிலங்களவையில் இரண்டாவது முறையாக வெற்றி பெற்ற எஸ் ஜெய்சங்கர் - குஜராத்தில் இருந்து பாபுபாய் தேசாய் மற்றும் கேசரிதேவ் சிங் ஜாலா, மேற்கு வங்கத்தில் இருந்து அனந்த் மகாராஜ் மற்றும் கோவாவில் இருந்து சதானந்த் ஷெட் தனவாடே ஆகியோர் பாஜக வேட்பாளர்களாக தேர்ந்தெடுக்கப்பட்டனர்.

டெரெக் ஓ பிரையனைத் தவிர, சுகேந்து சேகர் ராய், டோலா சென், சாகேத் கோகலே, சமுருல் இஸ்லாம் மற்றும் பிரகாஷ் பாரிக் ஆகியோர் போட்டியின்றி தேர்ந்தெடுக்கப்பட்ட மற்ற திரிணாமுல் காங்கிரஸ் தலைவர்கள்.

வெளியுறவு அமைச்சர் ஜெய்சங்கர், திரிணாமுல் காங்கிரஸ் தலைவர் டெரெக் ஓ பிரையன் உள்ளிட்ட 11 தலைவர்கள் மாநிலங்களவைக்கு போட்டியின்றி தேர்ந்தெடுக்கப்பட உள்ளனர்.

ஒரு இடத்தைப் பெறும் ஆளும் பாஜக , மாநிலங்களைவையில் அதன் எண்ணிக்கையை 93 என அதிகரிக்கும், அங்கு அரசாங்கத்திற்கு பெரும்பான்மை இல்லை.

மாநிலங்களவையில் காங்கிரஸ் ஒரு இடத்தை இழந்து அதன் பலம் 30 உறுப்பினர்களாக குறையும். 245 உறுப்பினர்களைக் கொண்ட மாநிலங்களவையில் 7 இடங்கள் ஜூலை 24க்குப் பிறகு காலியாகிவிடும் - ஜம்மு காஷ்மீரில் நான்கு இடங்கள், இரண்டு பரிந்துரைக்கப்பட்ட இடங்கள் மற்றும் உத்தரப் பிரதேசத்தில் ஒரு இடம் காலியாகும்.

மக்களவையில் மொத்த இடங்கள் 238 ஆக குறையும் மற்றும் பெரும்பான்மை 120 ஆக இருக்கும். பாஜக மற்றும் அதன் கூட்டணி கட்சிகளுக்கு 105 உறுப்பினர்கள் இருப்பார்கள்.