மஞ்சள் காமாலை அறிகுறிகள் என்ன? எதனால் ஏற்படுகிறது? வாங்க தெரிஞ்சுக்கலாம்
Manjal Kamalai Symptoms Tamil-மஞ்சள் காமாலை என்பது ஒரு நோயே அல்ல. ஏதோ ஒரு நோயின் அறிகுறி. மஞ்சள் காமாலை ஏற்பட்டதன் காரணத்தை ஆராய்ந்து, உரிய சிகிச்சை அளிக்க வேண்டியது அவசியம்
HIGHLIGHTS
Manjal Kamalai Symptoms Tamil
Manjal Kamalai Symptoms Tamil-மஞ்சள் காமாலை என்றால் பார்த்ததும் அறிந்து கொள்ளக் கூடிய நோய் என்பது பலருக்கும் தெரியும். கண்கள், நகம் போன்றவை மஞ்சள் நிறமாவதும், சிறுநீர் மஞ்சள் நிறமாக இருப்பதும் இதற்கான அறிகுறிகள்.
முக்கியமாகக் கூற வேண்டுமானால் மஞ்சள் காமாலை என்பது ஒரு நோயே அல்ல. ஏதோ ஒரு நோயின் அறிகுறி. ஒருவருக்கு மஞ்சள் காமாலை ஏற்பட்டால், எந்த காரணத்தினால் அவருக்கு மஞ்சள் காமாலை ஏற்பட்டது என்பதை முதலில் ஆராய்ந்து, அதற்கு உரிய சிகிச்சை அளிக்க வேண்டியது அவசியம்.
கல்லீரல் மனித உடலின் மிக முக்கிய உள்உறுப்பு. நம் உடலில் நடைபெறும் வளர்சிதை மாற்றங்களின் நச்சுத்தன்மையை அகற்றுதல், செரிமானத்துக்குத் தேவையான உயிர்வேதியியல் பொருள்களை உற்பத்தி செய்தல் போன்ற முக்கியமான வேலைகளைச் செய்வது கல்லீரல்தான்.
ரத்தத்தில் உள்ள புரதம், கொழுப்பு, சர்க்கரை ஆகியவற்றைச் சீராக வைத்துக்கொள்வதும் இந்த உறுப்புதான். உடலில் மற்ற உறுப்புகளைவிட, இது இழந்த திசுக்களை தானே மீண்டும் உருவாக்கிக்கொள்ளக்கூடிய ஆற்றலைப் பெற்றிருக்கிறது. 75 சதவிகிதம் பாதிப்புக்குள்ளானாலும்கூட தன் வேலைகளைத் தொடர்ந்து செய்துகொண்டேதான் இருக்கும். ஏறக்குறைய, பாதியளவு பாதிக்கப்பட்ட பின்னர்தான் இதன் பாதிப்பே வெளியில் தெரியவரும். அதுவும், ஒரு சில அறிகுறிகளின் மூலமாகவே தெரியவரும். அதில் ஒரு முக்கியமான அறிகுறிதான் மஞ்சள் காமாலை.
கல்லீரலிலிருந்து பித்தம் வெளியேறி, பித்தப்பைக்குச் சென்று சேர்ந்து, பித்தக்குழாய் வழியாகக் குடலுக்குச் சென்றுவிட வேண்டும். அப்படிச் செல்லாமல் கல்லீரலிலேயே தேங்கிவிட்டால் மஞ்சள் காமாலை உண்டாகும். பித்தப்பைக் கல், பித்தப்பைப் புற்றுநோய், பித்தக்குழாய் புற்றுநோய், கணையப் புற்றுநோய், குடலின் முதற்பகுதியான டியோடினம் (Duodenum) பகுதியில் புற்றுநோய் போன்ற பாதிப்புகளால் பித்தம் வெளியேறாமல் தேங்கிவிடும். அப்படிப் பாதிக்கப்படும்போது காமாலை உண்டாகும்.
மஞ்சள் காமாலையில் 6 வகை உள்ளது. அதாவது 6 வகை கிருமிகளால் மஞ்சள் காமாலை ஏற்படலாம். ஹெபிடைடிஸ் ஏ முதல் பி,சி,டி,இ, ஜி வரை 6 வகைகள் உள்ளன.
'ரத்தப் பரிசோதனையின் மூலமாக, பாதிப்பு எவ்வளவு இருக்கிறது', 'கல்லீரல் எந்தளவுக்குப் பாதிக்கப்பட்டிருக்கிறது' (Liver functioning test) என்பதைக் கண்டறியலாம். அதுதவிர, எந்த வகை என்பதையும் தெரிந்துகொள்ள முடியும்.
மஞ்சள் காமாலையை தொடக்க நிலையிலேயே கண்டுபிடித்து உரிய சிகிச்சை எடுத்துக்கொண்டால் குணமடைந்துவிடலாம். சிகிச்சை அளிக்காமல், வெறும் பத்தியமும், கீழாநெல்லியும் சாப்பிடுவது மஞ்சள் காமாலையை குணமாக்காது.
அதேப்போல் மஞ்சள் காமாலை நோய் என்றால் எப்படி வருகிறது என்பதையும் அறிய வேண்டும்.
உடலில் ரத்தத்தில் உள்ள சிவப்பு அணுக்கள் அழிந்து அவை பிலிரூபின் என்ற நிறப்பொருளாக உடலில் உற்பத்தி ஆகிறது. ரத்தத்தின் வழியே பிலிரூபின், பித்தநீர் மூலமாக மலம், சிறுநீர் வழியில் வெளியேறுகிறது.
கல்லீரல் பாதிக்கப்பட்டாலோ, பித்தக்குழாயில் அடைப்பு ஏற்பட்டாலோ கழிவுப்பொருளான பிலிரூபின் உடலிலேயே தங்கிவிடுகிறது. இதனால்தான் உடலில் மஞ்சள் நிறம் ஏற்படுகிறது. மது அருந்துதலாலும், ஹெபடைட்டிஸ் கிருமிகள் கல்லீரலைத் தாக்குவதாலும் கூட மஞ்சள் காமாலை ஏற்படுகிறது.
அறிகுறிகள்:
ஒருவருக்கு `மஞ்சள் காமாலை' என்றால் வாந்தி, குமட்டல், பசியின்மை, உடல் சோர்வு, வயிற்றின் வலதுபக்க மேல்பாகத்தில் வலி, மூட்டுவலி, வயிறுவீக்கம், காய்ச்சல், ரத்தக்கசிவு என ஒன்பது விதமான அறிகுறிகள் காணப்படும்.
கண்ணின் வெள்ளைப்படலத்திலும், நாக்கின் அடிப்பகுதியிலும் மஞ்சளாக இருக்கும். உடலும் மெலிந்து காணப்படும்.
மஞ்சள் காமாலை என்பது அடைப்புக் காமாலை என்றும், அடைப்பில்லா காமாலை என்றும் இருவகைப்படும்.
அடைப்புக் காமாலையில் கணைய கோளாறு, பித்தக்குழாய் கற்கள், பித்தக்குழாய் புற்றுநோய் என்ற மூன்று உட்பிரிவும், அடைப்பில்லா காமாலையில் வைரஸ் கிருமிகள், அதிகமாக அருந்தும் மதுபானம், டைபாய்டு போன்ற காய்ச்சலை ஏற்படுத்தும் பாக்டீரியாக்கள், மலேரியா என்ற ஒட்டுண்ணிகள், சில மாத்திரைகள் போன்றவற்றாலும் பாதிக்கப்பட்டவர்களுக்கு மஞ்சள் காமாலை ஏற்படலாம்.
கொழுப்புச் சத்துள்ள உணவை நாம் உட்கொள்ளும்போது அதை ஜீரணிப்பதற்காக கல்லீரல் பித்தநீரை சுரக்கும். பித்தபைக்கு குழாய் மூலம் வரும் இந்த பித்தநீர், பித்தக் குழாயில் கல் மற்றும் கேன்சர் (Cancer) கட்டிகளால் அடைப்பு ஏற்பட்டிருந்தால் கல்லீரலிலேயே தேங்கி ரத்தத்தில் கலந்துவிடுகிறது. இதனால் மஞ்சள் காமாலை ஏற்படுகிறது. இது அடைப்பு காமாலை எனப்படுகிறது.
ஹெப்படைட்டிஸ்-ஏ அல்லது இ வைரஸ் பாதிப்பால் உருவாகும் மஞ்சள் காமாலை ஒருவாரத்தில் சரியாகிவிடும். சி - வைரஸ் பாதிப்பு என்றால் குறைந்தது மூன்று மாதங்களாவது மருந்து, மாத்திரைகள் சாப்பிட வேண்டும். ஹெப்படைட்டிஸ்- பி வைரஸ் பாதிப்பு என்றால் ஒரு வருடத்துக்கு மாத்திரைகள் எடுத்துக்கொள்ள வேண்டும். சிலர் வாழ்நாள் முழுவதும்கூட சாப்பிட வேண்டிய சூழல்வரும்.
மது அருந்தியதால் உண்டான மஞ்சள் காமாலை என்றால் மது அருந்துவதை நிறுத்தினால் நான்கிலிருந்து ஆறு மாதத்துக்குள் சரியாகிவிடும். கொழுப்பு காரணமாக உருவான மஞ்சள் காமாலை என்றால் அதிகக் கொழுப்புச் சத்துள்ள உணவுகளைத் தவிர்த்து, உடற்பயிற்சிகள் செய்தால் பாதிப்பைக் குறைக்க முடியும்.
கல்லீரலை தாக்கும் A,B,C,D,E,G என்ற பலவகையான வைரஸ்களாலும் மஞ்சள் காமாலை ஏற்படலாம். மலேரியா காய்ச்சல், டைபாய்டு காய்ச்சல் வந்தாலும் கல்லீரல் பாதிக்கப்பட்டு மஞ்சள் காமாலை வரலாம். மதுபானங்கள் அருந்துவதன் மூலமாகவும் மஞ்சள் காமாலை ஏற்படலாம். இதனை அடைப்பில்லா காமாலை என்கிறார்கள்.
எதுவாக இருந்தாலும் உரிய சிகிச்சை பெற வேண்டியது மிகவும் முக்கியம். வெறும் கீழாநெல்லியும், பத்தியமும் போதாது.
அடைப்பு காமாலைக்கு சிறிய அளவில் அறுவை சிகிச்சை செய்வது மிகவும் முக்கியமாகிறது. இதைத் தவிர இதற்கு நிரந்தர சிகிச்சை வேறு எதுவுமில்லை.
எனவே, மஞ்சள் காமாலை ஏற்பட்டால் வெறும் சிறுநீரகம் மற்றும் ரத்தத்தை பரிசோதிப்பதுடன், வயிற்றுப் பகுதியை அதாவது கல்லீரலை ஸ்கேன் செய்வதும் அவசியமாகிறது. அப்போதுதான் அடைப்புக் காமாலையை அடையாளம் காண இயலும்.
இல்லையெனில், மஞ்சள் காமாலைக்கு சிகிச்சை எடுத்து குணமடைந்த பிறகு சில மாதங்கள் கழித்து கல்லீரலில் பிரச்சினை ஏற்படுவது நிச்சயம். அப்போது அதற்கு தனியாக ஒரு சிகிச்சை எடுத்துக் கொள்ள நேரிடும்.
கல்லீரலுக்குத் தன்னைத் தானே சரிசெய்து கொள்ளும் ஆற்றல் இருக்கிறது. இருந்தாலும், அது பாதிக்கப்பட்டிருக்கும்போது மேலும் பாதிப்பை அதிகரிக்கக்கூடிய எந்தச் செயலையும் செய்யாமல் இருக்க வேண்டும். முறையான மருத்துவ வழிமுறைகளைப் பின்பற்றினால் மஞ்சள் காமாலை பாதிப்பிலிருந்து நம்மைக் காத்துக்கொள்ளலாம்
அடுத்த முக்கியமான செய்திகளை தெரிந்துகொள்ள: Click Here-1, Click Here-2
manjal kamalai symptoms in tamil
Manjal Kamalai Symptoms
jaundice symptoms in tamil
kamalai
manjal kamalai
manjal kamalai symptoms tamil
jantis disease symptoms in tamil
manjal kamalai in tamil
manjal kamalai treatment in tamil
jaundice treatment in tamil
manjal kamalai tamil
