shatavari in tamil: பெண்களே இது உங்களுக்காக! மூலிகைகளின் ராணி சதாவரி சாப்பிடுங்க

உடல் ஆரோக்கியம் என்று வரும்போது, பாலினங்களுக்கு இடையே வேறுபாடுகள் எதுவும் இல்லை. இருப்பினும், பெண்களின் ஆரோக்கியம் முற்றிலும் முக்கியமானது. மேலும் புறக்கணிக்கப்படக் கூடாத ஒரு அம்சம் உள்ளது, அதுவே அவர்களின் மகளிர் ஆரோக்கிய நிலை. ஆரம்பத்திலிருந்தே பெண்கள் தங்கள் இனப்பெருக்க உறுப்புகள் மற்றும் அது தொடர்பான பிரச்சனைகளுடன் போராட வேண்டியுள்ளது.

அவர்களின் இனப்பெருக்க ஆண்டுகளில், அவர்கள் PCOS, மாதவிடாய் வலி மற்றும் ஒழுங்கற்ற மாதவிடாய் போன்ற பிரச்சனைகளுடன் போராடுகிறார்கள். பெரும்பாலும் இளம் தாய்மார்கள் பாலூட்டுவதில் சிக்கல்களைக் காணலாம். மாதவிடாய் நின்ற நிலையில் உள்ள பெண்கள் மிகவும் வித்தியாசமான பிரச்சனைகளை எதிர்கொள்கின்றனர். பல பெண்கள் தங்கள் வாழ்க்கையில் அழிவை உருவாக்கும் ஹார்மோன் மாற்றங்களின் பிரச்சினைகளை எதிர்கொள்கின்றனர்.

தமிழில் தண்ணீர்விட்டான் கிழங்கு எனப்படும் சதாவரி, உடலின் வெப்பத்தைத் தணிக்கும் மூலிகை ‘தண்ணீர்’. உடலின் உள்ளுறுப்புகளில் ஏற்படும் ரணத்தைச் சரிசெய்யும், பெண்களுக்கான சிறப்பு மருத்துவரும்கூட! பெண்களுக்கு ஏற்படும் நோய்களைக் குணமாக்கப் பயன்படுவதால், ‘மூலிகைகளின் ராணி ’ என இதற்குப் பட்டம் சூட்டலாம்.

சதாவரி என்பது அடாப்டோஜெனிக் மூலிகை. இந்த கூற்றுக்களை ஆதரிக்க அதிக அறிவியல் ஆராய்ச்சி இல்லை என்றாலும் அடாப்டோஜெனிக் மூலிகைகள் ஹைபோதாலமிக் பிட்யூட்டரி மற்றும் அட்ரீனல் சுரப்பிகளால் உற்பத்தி செய்யப்படும் ஹார்மோன்களை கட்டுப்படுத்த உதவுகின்றன. இது உடல் மன அழுத்தத்தை கட்டுப்படுத்தவும் ஒட்டுமொத்த ஆரோக்கியத்தை மேம்படுத்தவும் பயன்படுத்தப்படுகிறது.

அதிக இரத்தபோக்கு மற்றும் வீக்கம் குறைக்க சதாவரி பயன்படும். மாதவிடாய் காலங்களில் அதிக பிடிப்புகள் இருந்தால் மாதவிடாய் வருவதற்கு 5 நாட்கள் முன்பு இரவில் படுக்கைக்கு செல்வதற்கு முன்பு சதாவரி பொடியை தண்ணீரில் கலந்து சாப்பிட்டு வந்தால் வயிற்றுப்பிடிப்பு குறையும்.

மாதவிடாய் நின்ற பிறகு பெண்களின் எலும்புகளில் கால்சியத்தை அதிகரிக்க இவை உதவுகிறது.

சதாவரியின் வேர்களை எடுத்து உலர்ந்தது அல்ல ஃப்ரெஷ்ஷாக எடுத்து அதை நீரில் வேகவைத்து வடிகட்டி கால் டம்ளர் அளவு எடுத்து, வயிற்றுப்போக்கால் பாதிக்கப்பட்ட குழந்தைகளுக்கு கொடுக்க வேண்டும். இது வயிற்றுப்போக்குக்கு தீர்வாக இருக்கும். இது வெள்ளை இரத்த அணுக்களின் எண்ணிக்கையை அதிகரிக்கிறது மற்றும் கேண்டிடா தொற்று தடுக்க உதவுகிறது.

சிறுநீரக கோளாறு

சிறுநீரகம் மற்றும் சிறுநீர்ப்பை கற்களில் ஏற்படும் நோய்த்தொற்றுகளுக்கு சிகிச்சையளிக்கப் பயன்படுகிறது. கரும்புச்சாறுடன் சதாவரி பொடி சேர்த்து குடித்து வந்தால் சிறுநீர்ப்பெருக்கியாக செயல்பட்டு, உடலில் இருக்கும் அதிக திரவத்தை வெளியேற்றுகிறது.

வயிற்றுப்புண்

அதிக அமிலத்தன்மை மற்றும் வயிற்றுப்புண்களுக்கு சிகிச்சையளிக்க சதாவரி மூலிகையின் சாற்றை எடுத்துகொள்ளுங்கள். சதாவரி வேரை பொடி செய்து சாறு தயாரித்து புண்களை குணப்படுத்த பயன்படுத்தலாம். இது பெருங்குடல் அழற்சியின் அறிகுறிகளை போக்கவும் பயன்படுத்தப்படுகிறது.

• குழந்தைகளின் நினைவுத்திறன் அதிகரிக்க, அரை டீஸ்பூன் சதாவரி பொடியுடன் சம விகிதத்தில் நெய் மற்றும் தேன் கலந்து கொடுக்கலாம். வயதானவர்கள் சதாவரி பொடியை பசும்பால் சேர்த்து காலையில் வெறும் வயிற்றில் சாப்பிட்டு வந்தால் ஆரோக்கியம் மற்றும் புத்துணர்ச்சி கிடைக்கும்.
• குழந்தைகள் எடை அதிகரிக்க பாலுடன் சதாவரி பொடியை கலந்து தினமும் இரண்டு வேளை கொடுத்து வந்தால் , எடை அதிகரிக்கும். இளம் வயதினருக்கும் இது பயனுள்ளதாக இருக்கும்.
  
• சதாவரி மூலிகை நரம்பு கோளாறுகள் டிஸ்பெசியா மற்றும் நரம்பியல் ஆகியவற்றில் பயனளிக்கிறது. இது முதுமையை தள்ளிபோடுவதுடன் ஆயுளை அதிகரிக்கும். உடலில் நோய் எதிர்ப்பு சக்தியை அதிகரிக்கும். மன ஆரோக்கியத்தை மேம்படுத்தும். உடலின் உயிர்சக்தியை மீட்டெடுக்கவும், புற்றுநோய் தடுக்கவும் இந்த மூலிகை உதவும்.
  

சதாவரி பொடி

இந்த தூள் பெண்களின் ஆரோக்கியம் தொடர்பான அனைத்து சிக்கல்களுக்கும் தீர்வுகளை உள்ளடக்கியது. கருவுறுதலை ஊக்குவித்தல், கருப்பையை வலுப்படுத்துதல், நோய்க்கிருமிகள் மற்றும் பிற நச்சுகளை நீக்குதல், மாதவிடாய் சுழற்சியை ஒழுங்குபடுத்துதல், PMS சிகிச்சை மற்றும் மாதவிடாய் வலியை நீக்குதல், மாதவிடாய் நின்ற அறிகுறிகளை எளிதாக்குதல், பாலூட்டும் தாய்மார்களுக்கு பால் சுரத்தல் மற்றும் சாதாரண ஹார்மோன் அளவை பராமரிப்பது ஆகியவை இதில் அடங்கும். இவை தவிர, இது செரிமானத்திற்கு உதவுகிறது மற்றும் நோய் எதிர்ப்பு சக்தியை அதிகரிக்கிறது.

சதாவரி சூர்ணம்

இந்த சூர்ணம் பெண்களின் உடல் நல பிரச்சனைகளுக்கு டானிக்காக சிறப்பாக செயல்படுகிறது. பெண்களின் பால் சுரப்பிற்கு இது மிகவும் உதவியாக இருக்கும். இது பெண்களுக்கு உகந்த மூலிகையாக இருந்தாலும், இரத்தத்தில் உள்ள சர்க்கரை அளவைக் கட்டுப்படுத்தவும் உதவும். சிறுநீர் ஆரோக்கியம், காயங்கள், நெஞ்செரிச்சல், அஜீரணம் மற்றும் வயிறு தொடர்பான பல பிரச்சனைகளுக்கும் சதாவரி பயன்படுத்தப்படுகிறது. இது இரத்தத்தை ஊட்டமளித்து சுத்தப்படுத்துகிறது.

சதாவரியை உள்ளுக்கு எடுப்பதற்கு முன்பு மருத்துவரை அணுகி ஆலோசனை பெற்று எடுப்பது பாதுகாப்பானது.