/* */

சிறுநீரகக்கல் பிரச்னைக்கு பீர்க்கங்காய் சாப்பிடுங்க!

ridge gourd in tamil- சிறுநீரகக்கல் பிரச்னைக்கு தீர்வு கிடைக்க, பீர்க்கங்காய் சாப்பிட்டால் போதும். அதுமட்டுமின்றி உடல் சார்ந்த பல பிரச்னைகளுக்கு, பீர்க்கங்காய் தீர்வு அளிக்கிறது.

HIGHLIGHTS

சிறுநீரகக்கல் பிரச்னைக்கு பீர்க்கங்காய் சாப்பிடுங்க!
X

ridge gourd in tamil- பீர்க்கங்காய் சாப்பிடுங்க... உடம்புக்கு ரொம்ப நல்லது.

ridge gourd in tamil- பீர்க்கங்காய் வெள்ளரிக்காய் இனத்தைச் சேர்ந்த காய்கறிகளில் ஒன்று. நீர்ச்சத்து நிறைந்த இந்த காயில் ஏராளமான ஆரோக்கிய நன்மைகள் இருக்கின்றன. ஆனால், பெரும்பாலானோர் இந்த காயைச் சாப்பிடுவதே கிடையாது. இதில் உள்ள நன்மைகள் பற்றி தெரிந்து கொள்வோம்.


பீர்க்கங்காய் பெரும்பான்மையோர் வீடுகளில் சமைப்பதே கிடையாது. ஆனால் நார்ச்சத்து நிறைந்த இந்த காய் மிகக் குறைந்த கலோரி அளவைக் கொண்டது. நம்முடைய உடல் ஆரோக்கியத்துக்குத் தேவையான உயிர்ச்சத்துக்கள் அனைத்தும் பீர்க்கங்காயில் இருக்கின்றன. பல்வேறு நோய்களைத் தீர்க்கவும் கட்டுப்படுத்தவும் உதவுக்கூடிய இந்த காயின் ஆரோக்கிய நன்மைகள் குறித்து விளக்கமாக பார்க்கலாம்.

​ஊட்டச்சத்துக்கள்

பீர்க்கங்காயில் ஏராளமான ஊட்டச்சத்துக்கள நிறைந்திருக்கின்றன. 100 கிராம் அளவு பீர்க்கங்காயில், கால்சியம் - 40 மி.கி, புரதச்சத்து - 0.5 கிராம், இரும்புச்சத்து - 1.6 மி.கி, பாஸ்பரஸ் - 40 மி.கி, தயாமின் - 0.07 மி.கி, வைட்டமின் சி - 5 மி.கி, இவற்றோடு ரிபோஃப்ளோவின், ஜிங்க், மக்னீசியம் போன்ற பல்வேறு ஊட்டச்சத்துக்கள் நிறைந்த காய் தான் இந்த பீர்க்கங்காய்.


​தெளிவான பார்வை

கண் பார்வையைத் தெளிவாக்கத் தேவையான பீட்டா கரோட்டீன் உயிர்ச்சத்து பீர்க்கங்காயில் அதிக அளவில் இருக்கிறது. பீர்க்கங்காய் சாறு எடுத்து 50 மில்லி வீதம் தினமும் காலையில் வெறும் வயிற்றில் தொடர்ந்து 15 நாட்கள் குடித்து வந்தால் மங்கலான பார்வையும் தெளிவாகும்.


சிறுநீரகக் கல் வெளியேற

வாழைத்தண்டைப் போலவே பீர்க்கங்காயும் சிறுநீரகக் கற்களை வலியில்லாமல் வெளியேற்றும் ஆற்றல் கொண்டது. பீர்க்கங்காய் கொடியின் வேரை எடுத்து நன்கு சுத்தம் செய்து, வெயலில் உலர்த்த வேண்டும். உலர்த்திய வேரை பொடி செய்து அந்த பொடியை தினமும் கால் ஸ்பூன் வீதம் காலை வெறும் வயிற்றில் சாப்பிட்டு வந்தால் சிறுநீரகக் கல் வெளியேறிவிடும்.


​வயிற்றுக்கோளாறு நீங்க

அஜீரணக்கோளாறு, வயிறு உப்பசம், உணவுக்குழாய்களில் ஏற்படும் பிரச்னைகள் என வயிறு சம்பந்தப்பட்ட கோளாறுகள் அனைத்துக்கும் பீர்க்கங்காய் நல்ல தீர்வைத் தரும். வயிறு மந்தமாக இருக்கும்போது, பீர்க்கங்காயை சிறு சிறு துண்டுகளாக நறுக்கி, அதில் அரை லிட்டர் தண்ணீரும் கால் ஸ்பூன் மஞ்சள் பொடியும் உப்பும் சேர்த்து கொதிக்க வைத்துப் பின் வடிகட்டி அந்த நீரைக் குடிக்கலாம்.

காய் மட்டுமல்ல, இலை மற்றும் வேர் ஆகியவற்றின் சாறையும் அடிக்கடி 50 மில்லி அளவு வரை குடித்து வர வயிறு சம்பந்தப்பட்ட பிரச்சினைகள் தீரும் என சித்த மருத்துவத்தில் சொல்லப்படுகிறது.

கருமையான ​நரைமுடி

இளநரை பிரச்னைக்கு மிகச்சிறந்த தீர்வாக இந்த பீர்க்கங்காய் இருக்கும். பீர்க்கங்காயை சுத்தம் செய்து சிறுசிறு துண்டுகுளாக நறுக்கி லேசாக உலர்த்தி எடுத்து, அதை அரை லிட்டர் தேங்காய் எண்ணெயில் சேர்த்து மிதமான சூட்டில் நன்கு காய்ச்ச வேண்டும். பீர்க்கங்காய் நிறம் முற்றிலும் மாறும் வரை காத்திருந்து பின் எண்ணையை வடிகட்டி வைத்துக் கொண்டு, அந்த எண்ணெயை தலைமுடிக்குத் தேய்த்து வந்தாலும், தலைக்கு குளிக்கும் முன் தேய்த்து ஊற வைத்து குளித்து வந்தால் இளநரை சிறிது சிறிதாகக் குறைந்த நரைமுடி கருப்பாக மாற ஆரம்பிக்கும்.


மூல நோய் தீர

மூல நோய் பிரச்னை உள்ளவர்களுக்கு மிகச்சிறந்த தீர்வை இந்த பீர்க்கங்காய் தரும். இதில் உள்ள அதிகப்படியான நார்ச்சத்து மூல நோயைக் கட்டுப்படுத்துவதோடு மலச்சிக்கலையும் தீர்க்கும் தன்மை கொண்டது.

நீரிழிவை கட்டுப்படுத்த

குறைந்த குளுக்கோஸ் அளவைக் கொண்ட காய்கறிகளில் பீர்க்கங்காயும் ஒன்று. பீர்க்கங்காயில் உள்ள அதிக அளவிலான பெப்டைடுகள், ஆல்கலைடுகள் ரத்த சர்க்கரை அளவைக் கட்டுக்குள் வைக்கிறது. உடல் பருமனையும் கட்டுப்படுத்துகிறது. கணையத்தின் செயல்பாட்டைத் தூண்டி, இன்சுலினை முறையாகச் சுரக்க உதவி செய்கிறது.


​சருமப் பிரச்னைகளுக்கு

பீர்க்கங்களாயின் விதையில் இருந்து எடுக்கப்படுகிற எண்ணெய் சருமத்தில் ஏற்படும் சரும நோய்களைத் தீர்க்கும் தன்மை கொண்டது. சருமத்தைப் பளபளப்பாகவும் வறட்சியின்றி நீர்ச்சத்தோடும் வைத்திருக்க உதவுகிறது. தோலுக்கு இயற்கையான பளபளப்பைத் தருகிறது.

Updated On: 28 Dec 2022 12:28 PM GMT

Related News