காய்ச்சல் வந்தால், இனிமேல் முள்ளங்கி சாப்பிடுங்க...!

Radish in Tamil

முள்ளங்கி ஆரோக்கியத்திற்கு நன்மை பயக்கும் நிலத்தடி காய்கறிகளில் ஒன்றாகும். இதில் பல்வேறு வைட்டமின்களும், தாதுக்களும் நிறைந்துள்ளன. முள்ளங்கி பல்வேறு வயிறு தொடர்பான சிக்கல்களுக்கும், குடல் நோய்களுக்கு சிகிச்சையளிக்க உதவுகிறது. இது பசியின்மை, காய்ச்சல் மற்றும் தொண்டை வீக்கம் போன்ற பிரச்சினைகளை குணப்படுத்துகிறது. முள்ளங்கியில் பல்வேறு வகையான மருத்துவ குணங்கள் நிறைந்துள்ளது. முள்ளங்கியின் இலைகள் மற்றும் விதைகளும் உடலுக்கு பயனுள்ளதாக இருக்கிறது.

முள்ளங்கி, பிராசிகா வகை குடும்பத்தின் காய்கறியாகும். இது, உலகின் பல்வேறு பகுதிகளில் வாழும் மக்களால் பரவலாக நுகரப்படுகிறது. முள்ளங்கி, பல்வேறு வகைகளில் காணப்படுகின்றன. சிலர் முள்ளங்கியை பச்சையாக உட்கொள்கின்றனர். எனினும், பல்வேறு வகையான உணவு தயாரிப்புகளில் முள்ளங்கிப் பயன்படுத்தப்படுகிறது. பெரும்பான்மையான மக்கள், முள்ளங்கியை சாலட்டில் சேர்த்து உட்கொள்கின்றனர். முள்ளங்கி இலைகளும் உடல் ஆரோக்கியத்திற்கு மிகுந்த நன்மை பயக்கிறது. முள்ளங்கி பல்வேறு அத்தியாவசிய ஊட்டச்சத்துக்களின் உறைவிடமாகும்.

முள்ளங்கியில் உள்ள ஊட்டச்சத்து

முள்ளங்கி, பல்வேறு ஊட்டச்சத்துகள் நிறைந்த சத்தான காய்கறியாகும். நாம் அன்றாடம் உட்கொள்ளும் உணவுகளில் முள்ளங்கியை சேர்த்துக் கொள்ளுவதன் மூலம் உடலுக்கு அதிக அளவில் புரதங்களும், நார்ச்சத்துகளும் கிடைக்கின்றன. முள்ளங்கியில் பொட்டாசியம், கால்சியம், இரும்பு, மாங்கனீசு மற்றும் ஃபோலேட் போன்ற பல்வேறு வகையான தாதுக்கள் நல்ல அளவில் உள்ளன. முள்ளங்கியிலுள்ள வைட்டமின் சி, நோய் எதிர்ப்பு சக்தியை வலுப்படுத்த உதவுகிறது.

முள்ளங்கி தரும் நன்மைகள்

காய்ச்சல் குறையும்

காய்ச்சல் உடல் வெப்பநிலையை அதிகரிக்கிறது. முள்ளங்கியில் உள்ள ஊட்டச்சத்து கூறுகள் வெப்பநிலையைக் குறைக்கப் பயன்படுகிறது. முள்ளங்கி தலைவலிக்கு பயனுள்ளதாக அமைகிறது. காய்ச்சலைக் குறைக்க நோயாளிகள் அதிக அளவில் தண்ணீர் குடிக்க, டாக்டர்களால் அறிவுறுத்தப்படுகின்றனர்.

நீரிழிவு நோயைக் கட்டுப்படுத்தும்

முள்ளங்கி நீரிழிவு நோயாளிகளுக்கு நன்மை பயக்கிறது. ஏனெனில், இது இன்சுலின் உற்பத்தியை அதிகரிக்கும் இரத்த சர்க்கரை அளவைக் குறைக்கிறது. நீரிழிவு நோயாளிகள் நீரிழிவு நோயைக் கட்டுப்படுத்த முள்ளங்கியுடன், முள்ளங்கி இலைகளையும் உட்கொள்ள, டாக்டர்களால் அறிவுறுத்தப்படுகின்றனர்.

முடியின் தரத்தை மேம்படுத்தும்

தலை முடியை வலுவானதாக மாற்ற முள்ளங்கி சாப்பிட வேண்டும். முள்ளங்கி சாறு முடி உதிர்தலைக் குறைக்க பயனுள்ளதாக அமைகிறது. முள்ளங்கி சாற்றைக் கொண்டு தலைமுடியில் மசாஜ் செய்து சுமார் 15 முதல் 20 நிமிடங்கள் கழித்து கழுவவும். இந்த, செயல்முறையை வாரத்திற்கு இருமுறை செய்வதன் மூலம் கூந்தலின் வேர்களை பலப்படுத்த இயலும். இதனால், அவை வலிமையாகவும் பளபளப்பாகவும் மாறுகின்றன.

மஞ்சள் காமாலைக்கு சிகிச்சை

முள்ளங்கியின் ஊட்டச்சத்து முக்கியத்துவம் காரணமாக, மஞ்சள் காமாலைக்கு சிறந்த சிகிச்சையளிக்க முள்ளங்கி பயனுள்ளதாக அமைகிறது, என நிபுணர்கள் கருதுகின்றனர். மஞ்சள் காமாலை நோயால் பாதிக்கப்பட்டவர்கள் முள்ளங்கி இலைகளை உட்கொள்ள வேண்டும். இது நோயின் அறிகுறிகளைக் குறைக்க உதவுகிறது. மஞ்சள் காமாலை நாள்பட்ட காய்ச்சலால் ஏற்படுகிறது. முள்ளங்கியில் உள்ள வைட்டமின் சி தொற்றுநோயைக் குறைக்கிறது. மற்றும் நோய் எதிர்ப்பு சக்தியை மேம்படுத்துகிறது.

சரும அமைப்பை மேம்படுத்தும்

முள்ளங்கியிலுள்ள நீர் சருமத்தின் ஈரப்பதத்தை பராமரிக்கிறது மற்றும் சுருக்கங்களைத் தடுக்கிறது. முள்ளங்கி விதைகளில் தயிரை கலந்து பேஸ்ட் தயாரிக்கவும். இதனை, சருமத்தில் பயன்படுத்துவதன் மூலம் ஆரோக்கியமான சருமத்தை பராமரிக்க இயலும். இந்த பேஸ்டை முகத்தில் பயன்படுத்துவதன் மூலம் கரும்புள்ளிகள் மற்றும் முகப்பருவை குறைக்க முடிகிறது. முள்ளங்கியிலுள்ள வைட்டமின் சி மற்றும் ஆன்டிஆக்ஸிடன்ட்கள் சருமத்தைப் பராமரிக்க முதன்மையாக பயன்படுகின்றன.

உடல் எடையைக் குறைக்கும்

முள்ளங்கியிலுள்ள நார்ச்சத்துகள் உடல் எடையைக் குறைக்க உதவுகின்றன. மேலும், செரிமானத்தை மேம்படுத்துகின்றன.

முள்ளங்கியின் பக்க விளைவுகள்

முள்ளங்கி பல நன்மைகளைக் கொண்டுள்ளது. எனினும், சில சமயங்களில் இது சில பக்க விளைவுகளை ஏற்படுத்தக்கூடும்,

அவையாவன:

முள்ளங்கியின் கட்டுப்பாடற்ற நுகர்வு, அதிகமாக சாப்பிட்டால் வயிற்று வலிக்கு வழிவகுக்கிறது.

முள்ளங்கியுடன் உலுந்தைச் சேர்த்து எடுத்துக் கொள்ளக் கூடாது.

பால் குடித்தபின் முள்ளங்கியை உட்கொள்ள வேண்டாம்.

முள்ளங்கியை மீனுடன் சேர்த்து சாப்பிட வேண்டாம்.

முள்ளங்கியின் அதிகப்படியான நுகர்வு பசியின்மை, தொண்டை புண் மற்றும் தசைப்பிடிப்பை ஏற்படுத்தக்கூடும்.

கர்ப்பிணி பெண்கள் முள்ளங்கி சாப்பிடுவதைத் தவிர்க்க வேண்டும்.

முள்ளங்கி உட்கொள்வதினால் உடல்நலம் தொடர்பான ஏதேனும் சிக்கல் ஏற்பட்டால், உடனடியாக டாக்டரை அணுக வேண்டும்.

அடுத்த முக்கியமான செய்திகளை தெரிந்துகொள்ள: Click Here-1, Click Here-2