Betahistin/பெட்டாஹிஸ்டைன் மருந்து பயன்பாடு மற்றும் பக்கவிளைவுகள்..!

betahistine tablet uses in tamil-இது ஒரு மயக்க எதிர்ப்பு மருந்து. பெட்டாஹிஸ்டைன் (Betahistine) மெனியர் (Meniere) எனப்படும் உட்செவி கோளாறுகளால் ஏற்படும் மயக்கத்தை போக்க இது பயன்படுகிறது. இந்த மருந்து காதுகளில் உள்ள அழுத்தத்தை குறைக்கிறது. உட்செவி கோளாறு இருக்கும்போது குமட்டல், தலைசுற்றல் மற்றும் மயக்கம் வருவது போன்ற உணர்வுகளை ஏற்படுத்தலாம். இது மாத்திரை வடிவத்தில் கிடைக்கிறது.

பெட்டாஹிஸ்டைன் (Betahistine) மருந்து ஒருவரின் ஒட்டுமொத்த பொதுவான உடல்நலம்,ஏற்பட்டிருக்கும் பாதிப்பின் தீவிரத்தன்மை போன்றவைகளை கருத்தில் கொண்டு பயன்படுத்தப்படுகிறது. குறிப்பாக முதல் மருந்தளிப்புக்கு உடல் எப்படி எதிர்வினையாற்றுகிறது என்பதை பொறுத்தது.

மருத்துவரின் அறிவுரைகளை பின்பற்றி இந்த மருந்து பரிந்துரைக்கப்பட்ட கால அளவை நிறைவு செய்ய வேண்டும். ஒரு வேளை மருந்தளவை நீங்கள் தவற விட்டால், நீங்கள் அதை பின்னர் எடுத்துக்கொள்ளமுடியும். ஆனால், அடுத்த வேளை எடுத்துக்கொள்ள வேண்டிய மருந்துக்கு நேரம் நெருங்கியிருந்தால் தவறவிடப்பட்ட , மருந்துக்காக, ஒரே நேரத்தில் இரண்டு மடங்கு மருந்துகளை எடுத்துக்கொள்ளக்கூடாது.

பெட்டாஹிஸ்டைன் (Betahistine) எடுப்பதற்கு முன் கவனத்தில் வைத்திருக்க வேண்டிய சில முன்னெச்சரிக்கைகள் தரப்பட்டுள்ளன.

• சுவாசப் பிரச்னைகள் இருப்பவர்கள் இந்த மருந்தினை பயன்படுத்துவதால் பிரச்சனையை தீவிரமாக்கலாம். எனவே, ஆஸ்துமா இருப்பவர்கள் மருத்துவரின் ஆலோசனை இல்லாமல் பயன்படுத்தக்கூடாது.
• கல்லீரல் நோய் இருப்பவர்களுக்கு உடலில் மருந்தினை தங்க வைத்து, அதிக பக்க விளைவுகளை ஏற்படுத்தும் வாய்ப்புகள் உள்ளன.
• பெட்டாஹிஸ்டைன்(Betahistine) மருந்து வயிற்றுப்புண் தொடர்பான அறிகுறிகள் இருப்பவர்களுக்கு அதை அதிகரிக்க வாய்ப்புள்ளது. ஆகவே, வயிறு புண் இருந்தால் அல்லது சிறப்பு கண்காணிப்பு தேவைப்பட்டால் மருத்துவரிடம் விளக்கமாக கூறி ஆலோசனை பெறவேண்டும்.
• கர்ப்பிணிகள் இந்த மருந்தை பயன்படுத்தாமல் இருப்பதே நல்லது.

தலைவலி, நெஞ்செரிச்சல், அஜீரணம், வயிறு உப்புதல், குமட்டல் அல்லது வாந்தி ஆகியவை பெட்டாஹிஸ்டைன் (Betahistine) ஏற்படுத்தும் சாத்தியமுள்ள லேசான பக்கவிளைவுகள் ஆகும். இந்த அறிகுறிகள் பொதுவாக சில நாட்களில் தானாகவே மாறிவிடும். அந்த விளைவுகள் தொடர்ந்தால் அல்லது தொந்தரவு செய்வதாக இருந்தால் மருத்துவரின் ஆலோசனை பெறவேண்டும்.

எனினும், பின்வரும் அறிகுறிகளை எதிர்கொண்டால், முடிந்தவரை முன்னதாகவே மருத்துவரிடம் பரிசோதித்துக் கொள்வது நல்லது:

• கடுமையான ஒவ்வாமை , முகத்திலும் தொண்டையிலும் வீக்கம் ஏற்படுதல், படைநோய் அல்லது சுவாசிப்பதில் சிரமம் ஏற்படுதல்,அரிப்பு அல்லது தடிப்புக்கள்,வயிற்றில் வலி போன்றவை.இங்கே கொடுக்கப்பட்ட தகவல்கள் மருந்தின் உப்பு உள்ளடக்கத்தை அடிப்படையாகக் கொண்டவை. மருந்தின் பயன்கள் மற்றும் விளைவுகள் ஒவ்வொரு நபருக்கும் மாறுபடும். இந்த மருந்தைப் பயன்படுத்துவதற்கு முன்பு Neurologist - ஐ அணுகுவது நல்லது.

பொதுவான எச்சரிக்கை

மருந்துகள் எதுவாக இருப்பினும் மருத்துவரின் ஆலோசனை பெற்று உட்கொள்வது பாதுகாப்பானது.