வாரிசு vs துணிவு பாக்ஸ் ஆபிஸ் வசூல் நாள் 12: அஜித்தை முந்திய விஜய்
அஜித்தின் துணிவு ரூ 100 கோடியைத் தாண்டியிருந்தாலும், மொத்த வசூல் விஜய்யின் வாரிசுக்குப் பின்னால் நிற்கிறது. வாரிசு வசூலுக்கு இணையாக படம் வருவது மிகவும் கடினம்.
HIGHLIGHTS
varisu vs thunivu box office collection day 12 தென்னிந்திய சினிமா உண்மையிலேயே பாக்ஸ் ஆபிஸை ஆளுகிறது. வாரிசு, துணிவு, வீர சிம்ம ரெட்டி மற்றும் வால்டேர் வீரய்யா ஆகிய நான்கு பெரிய தென்னகப் படங்களில் மூன்று படங்கள் ரூ. 100 கோடியைத் தாண்டியுள்ளன. இப்போது, இந்திய பாக்ஸ் ஆபிஸில் 150 கோடி ரூபாய் வசூலிக்க வாரிரு தயாராகி வருகிறது. தமிழில் துணிவு பட வசூல் மந்தமான உள்ள நிலையில் , விஜய்யின் வாரிசு படம் தியேட்டரில் ரசிகர்களை தக்க வைத்துக் கொண்டுள்ளது.
வாரிசு பாக்ஸ் ஆபிஸ் ரிப்போர்ட்
விஜய்யின் படம் தியேட்டரில் சிறப்பாக செயல்பட்டு வருகிறது. ரூ.100 கோடி கிளப்பில் இடம்பிடித்த இப்படம் விரைவில் ரூ.150 கோடி என்ற மற்றொரு மைல்கல்லை கடக்கும். ஆரம்ப வர்த்தக அறிக்கைகளின்படி, 12வது நாளில், வாரிசு ரூ.8 கோடிக்கு மேல் வசூலித்தது. இதன் மூலம் படத்தின் மொத்த வசூல் 149 கோடி ரூபாயாக உயர்ந்துள்ளது.
துணிவு பாக்ஸ் ஆபிஸ் ரிப்போர்ட்
மறுபுறம் அஜீத் படம் வேகம் குறைந்து வருகிறது. ஆரம்ப மதிப்பீடுகளின்படி, தமிழ்த் திரைப்படம் 12ஆம் நாளில் ரூ.4 கோடி வசூலித்துள்ளது, இது வாரிசு ஒரே நாளில் வசூலித்ததில் பாதியாகும். இப்படம் ரூ.100 கோடியைத் தாண்டியிருந்தாலும், மொத்த வசூல் ரூ.105 கோடியாக இருந்தாலும், படம் வாரிசுக்குப் பின்தங்கியுள்ளது. வசூல் குறைந்து வருவதால், வாரிசு படத்தின் வசூலை இப்படத்திற்கு சமன் செய்வது மிகவும் கடினம்.
வாரிசு பற்றி
வம்சி பைடிபள்ளி இயக்கிய, "வாரிசு" ஒரு ஆக்ஷன் த்ரில்லர் படமாகும், இது பொங்கல் தினத்தில் -- ஜனவரி 12, 2023 அன்று வெளியிடப்பட்டது. இப்படத்தில் தளபதி விஜய்க்கு ஜோடியாக ராஷ்மிகா மந்தனா கதாநாயகியாக நடித்துள்ளார். பிரபு, சரத்குமார், ஷாம், எஸ்.ஜே. சூர்யா, ஸ்ரீகாந்த், பிரகாஷ் ராஜ், குஷ்பூ உள்ளிட்டோர் நடித்துள்ளனர். இப்படத்திற்கு தமன் இசையமைத்துள்ளார், கார்த்திக் பழனி ஒளிப்பதிவு செய்துள்ளார், பிரவீன் படத்தொகுப்பாளராக பணியாற்றியுள்ளார்.
துணிவு பற்றி
'துணிவு' எச்.வினோத் எழுதி இயக்கிய ஒரு அதிரடி ஆக்சன் திரைப்படம். இப்படத்தில் அஜித்தின் க்ரைம் ஜோடியாக மலையாள 'லேடி சூப்பர் ஸ்டார்' மஞ்சு வாரியர் முக்கிய வேடத்தில் நடித்துள்ளார். படத்தில் சில ஹை-வோல்டேஜ் ஆக்ஷன் காட்சிகளை இருவரும் செய்திருக்கிறார்கள். இதில் சமுத்திரக்கனி மற்றும் பவானி ரெட்டியுடன் ஜான் கோக்கன், மமதி சாரி, அஜய், வீரா மற்றும் பகவதி பெருமாள் ஆகியோர் துணை வேடங்களில் நடித்துள்ளனர்.