actor innocent news in tamil-மலையாள நடிகர் இன்னசென்ட் உயிருக்கு ஆபத்தான நிலையில் மருத்துவமனையில் சிகிச்சை..!

actor innocent news in tamil-நடிகர் இன்னசென்ட் தற்போது அவசர சிகிச்சைப்பிரிவில் ஆக்சிஜன் (ECMO) செலுத்தப்பட்டு சிகிச்சையில் இருக்கிறார்.

மூத்த மலையாள நடிகரும் முன்னாள் எம்.பி.யுமான இன்னசென்ட்-இன் உடல்நிலை கவலைக்கிடமாக உள்ளதாக, அவர் அனுமதிக்கப்பட்டுள்ள தனியார் மருத்துவமனையில் இருந்து தகவல் வெளியாகியுள்ளது. மருத்துவமனை வெளியிட்ட அறிக்கையின்படி, நடிகர் தற்போது ECMO வழங்கப்பட்டு சிகிச்சையில் உள்ளார்.

எக்ஸ்ட்ராகார்போரல் மெம்பிரேன் ஆக்சிஜனேற்றம் (ECMO) என்பது இருதய நுரையீரல் செயல்பட வழங்கப்படும் ஒரு வடிவமாகும். அங்கு நோயாளியின் இரத்தம் ஒரு இயந்திரத்தைப் பயன்படுத்தி உடலுக்கு வெளியே பம்ப் செய்யப்பட்டு ஆக்ஸிஜனேற்றப்படுகிறது. 75 வயதான நடிகருக்கு சில நாட்களாகவே உடல்நிலை சரியில்லாமல் இருந்தார் என்று கூறப்படுகிறது. சில ஆண்டுகளுக்கு முன்பு, அவருக்கு புற்றுநோய் இருப்பது கண்டறியப்பட்டது. ஆனால் 2015 இல் அவர் முற்றிலுமாக நோயிலிருந்து விடுபட்டதாக அறிவித்தார்.

கடந்த மார்ச் மாதம் மூச்சுத்திணறல் மற்றும் அசௌகரியம் காரணமாக நடிகர் எர்ணாகுளத்தில் உள்ள மருத்துவமனையில் அனுமதிக்கப்பட்டிருந்தார். இறுதியில் அவருக்கு தொண்டை தொற்று ஏற்பட்டது. பிருதிவிராஜ் சுகுமாரனின் 2022 திரைப்படமான கடுவாவில் கடைசியாக நடித்திருந்தார். மலையாளத்தில் 700 படங்களுக்கு மேல் நடித்துள்ளார்.