வாரிசு படத்தை மிஞ்சிய துணிவு ஃப்ரஸ்ட் லுக் போஸ்டர் சாதனை

Ajith New Movie Poster -தயாரிப்பாளர் போனி கபூர், நடிகர் அஜித் குமார், இயக்குநர் வினோத் ஆகியோர் கூட்டணியில் 'அஜித்-61' என உருவாகிவரும் படத்திற்கு தற்போது 'துணிவு' என பெயரிடப்பட்டுள்ளது. இந்தப் படத்தில் அஜித்துக்கு ஜோடியாக மலையாள நடிகை மஞ்சு வாரியர் நடிக்கிறார். எச்.வினோத் இயக்கத்தில் உருவான 'தீரன் அதிகாரம் ஒன்று' படத்திற்கு இசையமைத்த ஜிப்ரான் ணிவு படத்திற்கும் இசையமைக்கிறார். வர். நீரவ் ஷா ஒளிப்பதிவு செய்ய, மிலன் படத்தொகுப்பு செய்கிறார்.

இந்த நிலையில் 'துணிவு' படத்தின் ஃப்ரஸ்ட் லுக் நேற்று முன்தினம் மாலை வெளியானது. தயாரிப்பாளரான போனி கபூர், ஃப்ரஸ்ட் லுக் போஸ்டரை அதிகாரப்பூர்வமாக வெளியிட்டிருந்தார். இது பல மாதங்களாக காத்திருந்த ரசிகர்களுக்கு ஒரு விருந்தாகவும் அமைந்தது. இதனால் ரசிகர்கள் பெரும் கொண்டாட்டத்தில் இருந்து வருகின்றனர்.

அதேபோல், கடந்த ஜூனில் நடிகர் விஜய்யின் பிறந்தநாளையொட்டி வெளியான வாரிசு படத்தில் ஃப்ரஸ்ட் லுக், இதுவரை 23.5 ஆயிரம் ரீ ட்விட்ஸ் மற்றும் 72 ஆயிரம் லைக்குகளையும் வாங்கியுள்ளது. ஆனால் தற்போது வெளியாகியுள்ள அஜித்தின் துணிவு படத்தின் ஃப்ரஸ்ட் லுக் 27 ஆயிரம் ரீ ட்விட்ஸ் மற்றும் 79.4 ஆயிரம் லைக்குகளையும் வாங்கி வாரிசு படத்தின் வாழ்நாள் சாதனையை முறியடித்துள்ளது.

அடுத்த முக்கியமான செய்திகளை தெரிந்துகொள்ள: Click Here-1, Click Here-2