நடிகர் விஜய் நடிக்கும் 'வாரிசு' படத்தின் அடுத்தகட்ட படப்பிடிப்பு ஆரம்பமானது..!

Vijay New Movie -தமிழில் 'தோழா' படத்தை இயக்கிய தெலுங்கு இயக்குநரான வம்சி இயக்கத்தில் ராஜு தயாரிக்கும் படம் 'வாரிசு'. நடிகர் விஜய் நாயகனாக நடிக்கும் இத்திரைப்படத்தின் டைட்டில் மற்றும் ஃபர்ஸ்ட் லுக் போஸ்டர்கள் நடிகர் விஜய் பிறந்தநாளன்று வெளியிடப்பட்டு ரசிகர்களிடையே அமோக வரவேற்பைப் பெற்றது.

படத்தில் விஜய்க்கு ஜோடியாக ராஷ்மிகா மந்தனா நடிக்க, பிரகாஷ் ராஜ், குஷ்பு, யோகிபாபு, ஷ்யாம் உள்ளிட்ட பல நட்சத்திர பட்டாளம் விஜய்யுடன் இணைந்திருக்கிறார்கள். குடும்பக் கதையாக உருவாகி வரும் இந்தப் படத்தின் முதல் கட்ட படப்பிடிப்பு சென்னையில் பாடலை படமாக்குவதோடு தொடங்கியது. பின்பு இரண்டாம் கட்ட படப்பிடிப்பு ஹைதராபாத்தில் நடந்து முடிந்தது. அடுத்து, மூன்றாம் கட்ட படப்பிடிப்பு சென்னை ஈசிஆர் பகுதியில் அண்மையில் நடந்து முடிந்தது.

இந்தநிலையில், இப்போது நான்காம் கட்ட படப்பிடிப்பு மீண்டும் ஹைதராபாத்தில் தொடங்கி இருக்கிறது. இதில் நடிகர் விஜய் பங்கேற்றிருக்கிறார். இந்த மாதம் 25ம் தேதி வரை படப்பிடிப்பினை ஹைதராபாத்தில் நடத்த படக்குழு திட்டமிட்டுள்ளது. இது முடிந்ததும் அடுத்தகட்ட படப்பிடிப்பு ஆகஸ்ட் முதல் வாரத்தில் இருந்து மீண்டும் சென்னையில் நடக்கவிருப்பதாக படத்தின் தயாரிப்புத் தரப்பு தகவல் வெளியிட்டுள்ளது.

அடுத்த முக்கியமான செய்திகளை தெரிந்துகொள்ள: Click Here-1, Click Here-2