சீதா ராமன் சீரியலில் இனி இவருக்கு பதில் இவரா?

ரோஜா தொடரின் மூலம் மிகப் பெரிய அளவில் பேமஸ் ஆன பிரியங்கா நல்காரி, ஜீ தமிழில் பணிபுரிந்த சீரியல்தான் சீதா ராமன். ஆரம்ப நாளிலிருந்தே மிகப் பெரிய வரவேற்பை பெற்ற இந்த சீரியலில் தனிப்பட்ட காரணங்களுக்காக விலகியுள்ளார் பிரியங்கா. அவருக்கு பதில் இனி இன்னொரு நடிகை நடிப்பார் என்று அறிவித்துள்ளனர்.

தமிழ் சினிமாவில் எந்த அளவுக்கு நடிகர்களுக்கும் நடிகைகளுக்கும் ரசிகர்கள் இருக்கிறார்களோ அதற்கு சற்றும் சளைக்காமல் சீரியல் நடிகைகளுக்கும் ரசிகர்கள் குவிந்து வருகிறார்கள்.

தொலைக்காட்சி தொடர்களில் ஒரு சில தொடர்கள் மட்டும்தான் பல ஆண்டுகள் தாக்குப்பிடித்து மக்கள் மனதில் நிற்கும். அந்த வகையில் ரோஜா சீரியல் சன் டிவியில் மிகப் பெரிய தாக்கத்தை ஏற்படுத்தியது. அந்த சீரியலில் நடித்த அர்ஜூன், ரோஜா கதாபாத்திரங்களை மக்கள் தூக்கி வைத்து கொண்டாடினர். அந்த புகழை வைத்து அர்ஜூன் கதாபாத்திரத்தில் நடித்த சிபு சூர்யன் விஜய் தொலைக்காட்சியில் பாரதி கண்ணம்மா தொடரில் நடிக்க போயிவிட்டார்.

ரோஜா கதாபாத்திரத்தில் நடித்த பிரியங்கா நல்காரி ஜீ தமிழ் தொலைக்காட்சிக்கு சென்று சீதா ராமன் சீரியலில் நடித்து வந்தார். ஆனால் அவருக்கும் அவரது கணவருக்கும் இடையே பிரச்னை ஏற்படுவதால் அவருடனேயே சிங்கப்பூரில் செட்டில் ஆகும் நோக்கில் சீரியலிலிருந்து விலக இருப்பதாக கூறப்படுகிறது.

சீதா ராமன் சீரியலில் சீதா கதாபாத்திரத்தில் நடிக்க புதிய நடிகை ஒருவரை அறிமுகப்படுத்தியுள்ளனர். ஸ்ரீ பிரியங்கா எனும் புது நடிகைதான் இனி சீதா கதாபாத்திரத்தில் நடிக்க இருக்கிறார்.