atharvaa new movie 2022-அதர்வா, ராஜ்கிரண் நடிக்கும் 'பட்டத்து அரசன்' ரிலீஸ் தேதி தெரிஞ்சாச்சு..! லைகா அறிவிப்பு..!

Pattathu Arasan Release Date-கத்தி, செக்கச்சிவந்த வானம், தர்பார், பொன்னியின் செல்வன் 1 உள்ளிட்ட பல திரைப்படங்களை தயாரித்த நிறுவனம் லைகா. அந்த நிறுவனம் பல முக்கிய படங்களை தயாரித்து முன்னணியில் இருக்கும் தயாரிப்பு நிறுவனங்களில் ஒன்றாக இருக்கிறது. லைகா நிறுவனம் தயாரிப்பில் வெளியான பொன்னியின் செல்வன் 1 திரைப்படம், 500 கோடி ரூபாய்க்கு மேல் உலக அளவில் வசூல் செய்துள்ளது.

இதற்கு அடுத்ததாக இந்தியன் 2, லால் சலாம், நாய் சேகர் ரிட்டர்ன்ஸ், சந்திரமுகி 2, பட்டத்து அரசன் உள்ளிட்ட திரைப்படங்களையும் லைகா புரொடக்ஷன்ஸ் நிறுவனம் தயாரித்து வருகிறது. இதில், பட்டத்து அரசன் திரைப்படத்தில் அதர்வா மற்றும் ராஜ்கிரண் ஆகியோர் முதன்மை கதாபாத்திரங்களில் நடித்துள்ளனர். களவாணி, வாகை சூடவா உள்ளிட்ட திரைப்படங்கள் மூலம் அதிக கவனம் ஈர்த்த இயக்குனர் சற்குணம் பட்டத்து அரசன் திரைப்படத்தையும் இயக்கி உள்ளார். மேலும் 'சண்டிவீரன்' படத்திற்குப் பிறகு அதர்வா முரளி, இந்தப் படத்தின் மூலம் இயக்குநர் சற்குணத்துடன் இரண்டாவது முறையாக இணைந்துள்ளார்.

atharvaa new movie 2022

'பட்டத்து அரசன்' திரைப்படம் நிஜ வாழ்க்கை சம்பவங்களை அடிப்படையாக கொண்டு உருவாக்கப்பட்டுள்ளதாக படக்குழுவினர் தெரிவித்துள்ளனர். காவிரி ஆற்றுப்படுகை மற்றும் ஆட்டுப்பண்ணை போன்ற இடங்களில் படத்தின் ஷூட்டிங் நடந்துள்ளது.

படத்துக்கு இசையமைப்பாளர் ஜிப்ரான். அவரது இசையுடன், 'உஸ்தாத் ஹோட்டல்' புகழ் லோகநாதன் ஸ்ரீனிவாஸ் ஒளிப்பதிவு செய்கிறார். ராஜா முகமது எடிட்டிங், ஆண்டனியின் கலை இயக்கத்தில், லைகா புரொடக்‌ஷன் நிறுவனத்தின் தமிழ்க்குமரன் மேற்பார்வையில் இந்த படம் உருவாகி வருகிறது.

சமீபத்தில் 'பட்டத்து அரசன்' படத்தின் போஸ்டரும் வெளியாகி இருந்தது. ராஜ்கிரண் மற்றும் அதர்வா ஆகியோர் கம்பீரமாக நடந்து வருவது போன்ற தோற்றம் இந்த போஸ்டரை கவனிக்கத் தூண்டுவதாக இருந்தது. இந்த நிலையில், 'பட்டத்து அரசன்' படத்தின் ரிலீஸ் தேதி குறித்த அதிகாரபூர்வ அறிவிப்பை லைகா நிறுவனம் வெளியிட்டுள்ளது.

atharvaa new movie 2022

அதன்படி நிறுவனம் பகிர்ந்துள்ள வீடியோவில், பட்டத்து அரசன் படத்திற்கு 'U' சான்றிதழ் கொடுக்கப்பட்டுள்ளதும் தெரியவந்துள்ளது. அதே போல, வரும் நவம்பர் 25ம் தேதியன்று இந்த திரைப்படம் வெளியாகும் என்றும் தெரிவிக்கப்பட்டுள்ளது. அதர்வா நடிப்பில் இதற்கு முன்பு குருதி ஆட்டம், ட்ரிக்கர் உள்ளிட்ட திரைப்படங்கள் வெளியாகி இருந்தன. அதர்வாவுக்கு இந்த படம் திருப்பு முனையாக அமையும் என்கிறார்கள் படக்குழுவினர்.

லைகா நிறுவனம் தயாரித்த 'பொன்னியின் செல்வன் 1' தமிழ் சினிமாவில் மிகப்பெரிய வெற்றிப் படமாக மாறியுள்ளது, மேலும் இப்படம் 500 கோடி ரூபாய்க்கு மேல் வசூலித்த இரண்டாவது தமிழ் படமாக உருவெடுத்தது. 'பொன்னியின் செல்வன்' படத்தின் மகத்தான வெற்றியின் காரணமாக, வரலாற்று சினிமா தயாரிப்பாளர்கள் அடுத்ததாக ரஜினிகாந்த் மற்றும் கமல்ஹாசன் உள்ளிட்ட பல முன்னணி ஹீரோக்களுடன் இணைந்துள்ளனர்.

தற்போது, அதர்வாவின் அடுத்த படமான 'பட்டத்து அரசன்' படத்தை 'பொன்னியின் செல்வன்' தயாரிப்பாளர்கள் தயாரித்துள்ளனர். ஸ்போர்ட்ஸ் ஆக்‌ஷன் கதைக்களமாக இருக்கும், 'பட்டத்து அரசன்' கிராமத்து பின்னணியில் அமைக்கப்பட்டுள்ளது, மேலும் இப்படத்தில் ஆஷிகா ரங்கநாத் நாயகியாக நடித்துள்ளார், ராஜ்கிரண் மற்றும் ராதிகா முக்கிய வேடங்களில் நடித்துள்ளனர் என்பது குறிப்பிடத்தக்கது.

இணைப்பை 'க்ளிக்' செய்து வீடியோவை காணலாம்.

https://twitter.com/LycaProductions/status/1592140490853724160?s=20

அடுத்தமுக்கியமான செய்திகளை தெரிந்துகொள்ள: Click Here-1, Click Here-2