காதல் மனைவியைக் கொன்றுவிட்டு நாடகமாடும் பரத்! இதான் லவ்!

பரத் மற்றும் வாணி போஜன் இணைந்து நடித்துள்ள புதிய படம் லவ். இந்த படத்தின் டிரைலர் தற்போது வெளியாகியுள்ளது. இந்த டிரைலர் எப்படி இருக்கிறது என்பதை இந்த பதிவில் காண்போம்.

லவ் படத்தின் டிரைலர் சமூக வலைத்தளங்களில் வைரலாகி வருகிறது. வழக்கமாகவே வித்தியாசமான பாணி படக் கதைகளைத் தேர்ந்தெடுக்கும் பரத் இப்போதும் அப்படி ஒரு கதையில் நடித்திருக்கிறார்.

காதலிக்கும்போதே சில முரண்பாடுகளுடன் இருக்கும் இருவர் திருமணம் செய்துகொண்ட பிறகும் அடிக்கடி சண்டை போட்டு அமர்க்களப்படுத்துகிறார்கள். அப்படி ஒரு முறை எதிர்பாராத சமயத்தில் நடந்த சண்டையில் வாணி போஜன் கொல்லப்படுகிறார். பரத் நல்லவரா அவர் ஏன் வாணி போஜனைக் கொன்றார், நண்பர்கள் உதவியுடன் பரத் என்ன செய்கிறார் இறுதியில் டிவிஸ்ட்டோடு படம் என்ன சொல்ல வருகிறது என்பதே லவ் படத்தில் கதை.

பரத், வாணி போஜன், விவேக் பிரசன்னா, ராதா ரவி, டேனியல் போப் என நமக்கு மிகவும் அறிமுகமான பலர் படத்தில் இருக்கிறார்கள். ரோன்னி ரஃபெல் இசை அங்கங்கே டிரைலரில் நம் எதிர்பார்ப்புகளைத் தூண்டுகிறது. பிஜி முத்தையா ஒளிப்பதிவும் நிச்சயம் படத்தின் மீதான நேர்மறை எதிர்பார்ப்பைத் தூவுகிறது.

படத்தொகுப்பு அஜய் மனோஜ் டிரைலர் கட் நன்றாக அமைந்திருக்கிறது. படம் வரும் ஜூலை 28ம் தேதி திரையரங்குகளில் ரிலீஸ் ஆகின்றது.