சாய்பல்லவிக்கு இவ்வளவு நீளமான முடி எப்படி? அவரே சொன்ன டிப்ஸ்!

தமிழ் சினிமாவில் நல்ல நல்ல கதைகளைத் தேர்ந்தெடுத்து நடிக்கும் சாய் பல்லவி, ஆரம்பத்தில் தொலைக்காட்சி ரியாலிட்டி நிகழ்ச்சி மூலமாகவே மக்களுக்கு அறிமுகம் ஆனார். மலையாளத்தில் ப்ரேமம் படத்தின் மூலம் மிகப் பெரிய பெயர் கிடைத்தது. அதன்பிறகு தெலுங்கில் நல்ல படங்களைத் தேர்ந்தெடுத்து நடித்தார் சாய் பல்லவி. தற்போது தமிழிலும் கூடுதல் கவனம் செலுத்தி நடித்து வருகிறார்.

மாரி படத்தில் வரும் ரௌடி பேபி பாடல் மூலம் உலகம் முழுக்க சென்று சேர்ந்தது இவரது நடனம். அந்த அளவுக்கு பிரமாதமாக ஆடும் சாய்பல்லவிக்கு பெரிய ப்ளஸ் அவரது நீளமான கூந்தல்தான். அவரை நேசிக்கும் பலருக்கும் அவரிடம் பிடித்தது அவரது நீண்ட அழகிய வளமான முடிகள்தான் என்று கூறுகிறார்கள்.

முகத்தில் பருக்கள் இருந்தாலுமே மேக்கப் துளியும் இல்லாமல் செயற்கையான பொருட்களைப் பயன்படுத்தாமல் படத்தில் நடித்து வருகிறார் சாய் பல்லவி. தனது இயற்கையான அழகை இயற்கையுடன் இணைந்தே பேணி பாதுகாத்து வருகிறார்.

இவ்வளவு அழகான கூந்தல் அவருக்கு இருப்பதற்கு காரணமே அவர் செயற்கையான பொருட்கள் எதையும் பயன்படுத்துவது இல்லையாம். சருமத்தை பராமரிக்கவும் கூந்தலை பேணவும் அவர் உணவில் கூடுதல் கவனம் செலுத்துகிறார் என்று கூறுகிறார். காய்கறிகள், பழங்களை எப்போதும் உணவில் சேர்த்துக்கொள்கிறார் சாய் பல்லவி.

ஆரோக்யமான உணவு முறை பொலிவான சருமத்தை தரும் என்று கூறுகிறார் அவர். தனது கூந்தலை பராமரிக்க சாய்பல்லவி கற்றாழையைப் பயன்படுத்துகிறார்.

கற்றாழையை நன்கு கழுவி அதன் ஜெல்லை எடுத்து கூந்தலுக்கு மாஸ்க் போடலாம். தொடர்ந்து கற்றாழையைப் பயன்படுத்தி வரும்போது கூந்தலுக்கு தேவையான ஊட்டச்சத்துகள் அனைத்தும் கிடைக்கின்றன.

காற்று மற்றும் வெயில் காரணமாக கூந்தல் வறட்சி அடையாமல் தடுக்கவும் முனை வெடிக்காமல் இருக்கவும் கற்றாழை ஜெல் மிகவும் சிறந்த மருந்தாக பார்க்கப்படுகிறது.