மிகவும் பிரபலமான நட்சத்திரங்கள் பட்டியலில் முதலிடத்தில் தனுஷ்

most popular indian stars 2022 - இந்த ஆண்டின் மிகவும் பிரபலமான இந்திய நட்சத்திரங்கள் பட்டியலில் முதலிடத்தில் தனுஷ், ஆலியா பட் ஆகியோர் இடம்பிடித்துள்ளனர். ஐஸ்வர்யா ராய் பச்சன், ராம் சரண் தேஜா மற்றும் சமந்தா ரூத் பிரபு ஆகியோர் டாப் 10 பட்டியலில் இடம்பிடித்துள்ளனர்.

IMDb ( இன்டர்நெட் மூவி டேட்டாபேஸின் சுருக்கம் ) என்பது திரைப்படங்கள் , தொலைக்காட்சித் தொடர்கள், வீட்டு வீடியோக்கள், வீடியோ கேம்கள் மற்றும் ஆன்லைனில் ஸ்ட்ரீமிங் உள்ளடக்கம் தொடர்பான தகவல்களின் ஆன்லைன் தரவுத்தளமாகும். இது நடிகர்கள், தயாரிப்புக் குழுவினர் மற்றும் தனிப்பட்ட வாழ்க்கை வரலாறுகள், கதை சுருக்கங்கள், ட்ரிவியா, மதிப்பீடுகள், மற்றும் ரசிகர் மற்றும் விமர்சன விமர்சனங்கள் வெளியிடுகிறது.

பொழுதுபோக்கு இணையதளமான ஐஎம்டிபி (IMDb) இந்த ஆண்டின் மிகவும் பிரபலமான இந்திய நட்சத்திரங்களின் பட்டியலை அறிவித்துள்ளது.

இதுகுறித்த அதிகாரப்பூர்வ அறிக்கையின்படி, 200 மில்லியனுக்கும் அதிகமான மாதாந்திர பார்வையாளர்களின் உண்மையான பார்வைகளின் அடிப்படையில் IMDb அதன் உறுதியான முதல் 10 பட்டியல்களை தீர்மானிக்கிறது. தி கிரே மேன் மற்றும் திருச்சிற்றம்பலம் போன்ற பன்மொழி வெற்றிகரமான வெளியீடுகளுக்கு நன்றி, தனுஷ் இந்த ஆண்டின் முதல் தரவரிசைப் பிரபலமாக உள்ளார் என தெரிவித்துள்ளது. அதன்படி மிகவும் பிரபலமான இந்திய நட்சத்திரங்களின் பட்டியலை அறிவித்துள்ளது.

imdb top actors in india 2022

மிகவும் பிரபலமான இந்திய நட்சத்திரங்கள்:

1. தனுஷ்

2. ஆலியா பட்

3. ஐஸ்வர்யா ராய் பச்சன்

4. ராம் சரண் தேஜா

5. சமந்தா ரூத் பிரபு

6. ஹிருத்திக் ரோஷன்

7. கியாரா அத்வானி

8. என்.டி. ராமராவ் ஜூனியர்.

9. அல்லு அர்ஜுன்

10. யாஷ்

உலகெங்கிலும் உள்ள மக்கள் இந்திய சினிமா, வெப் சீரிஸ் மற்றும் நட்சத்திரங்களைப் பற்றி மேலும் அறிய ஐஎம்டிபிக்கு திரும்புகிறார்கள், மேலும் எங்களின் மிகவும் பிரபலமான இந்திய நட்சத்திரங்களின் முதல் 10 பட்டியல் உலகளாவிய பிரபலத்தை நிர்ணயிப்பதற்கும் தொழில் மைல்கற்கள் மற்றும் திருப்புமுனை தருணங்களை அங்கீகரிப்பதற்கும் தன்னை நிலைநிறுத்தியுள்ளது என ஐஎம்டிபி இந்தியாவின் தலைவர் யாமினி படோடியா தெரிவித்துள்ளார்.

இதில் தமிழ் சினிமாவை சேர்ந்த தனுஷ் முதலிடத்தையும், நடிகை சமந்தா ஐந்தாவது இடத்தையும் பிடித்துள்ளார்கள் என்பது குறிப்பிடத்தக்கது.

தேசிய விருது பெற்ற நடிகரும், உலக அடையாளனமான (Global Icon) நடிகர் தனுஷ், IMDb-ன் மிகவும் பிரபலமான இந்திய நடிகர் 2022 பட்டியலில் முதலிடம் பிடித்து மீண்டும் நம்மைப் பெருமைப்படுத்தியுள்ளார். ஃபுட் டெலிவரி பையனாக இவர் நடித்த திருச்சிற்றம்பலம் திரைப்படம், 100 கோடிக்கும் மேல் வசூலை அள்ளி பிளாக்பஸ்டராக அமைந்தது. இதைத் தொடர்ந்து, ‌ரூஸ்ஸோ பிரதர்ஸ் இயக்கிய 'கிரே மேன்' என்ற திரைப்படம் வாயிலாக, முதல் முறையாக ஹாலிவுட்டிலும் தனது முத்திரையை பதிவு செய்தார்.