பிக்பாஸ் பிரபலம் நடிகர் ஹரிஷ் கல்யாண் - நர்மதா திருமணப் புகைப்படங்கள்

harish kalyan marriage photos - பிக்பாஸ் பிரபலம் நடிகர் ஹரிஷ் கல்யாண் - நர்மதா திருமணத்தின் புகைப்படங்கள் தற்போது வெளியாகியுள்ளன.

பிக்பாஸ் பிரபலம் நடிகர் ஹரிஷ் கல்யாணின் மனைவி நர்மதா உதயகுமார் ஒரு தொழில்முனைவோர், அவர் திஷர் போன்ற நிறுவனங்களுக்கு தலைமை தாங்குகிறார். மேலும் சென்னையில் வசித்து வருகிறார். கடந்த சில நாட்களுக்கு முன் அறிமுகப்படுத்திய ஹரிஷ் கல்யாண், தசராவின் புனித நாளில் டுவிட்டர் பதிவு ஒன்றில் தனது காதலியுடனான படங்களைப் பகிர்ந்து கொண்டார், இதயப்பூர்வமான குறிப்புடன் பதிவிட்டுள்ளார். அதில், "என் முழு மனதுடன், என் வாழ்நாள் முழுவதும். என் மனைவி நர்மதா உதயகுமாரை அறிமுகப்படுத்துவதில் நான் மிகவும் மகிழ்ச்சியடைகிறேன். கடவுளின் ஆசீர்வாதத்துடன், நாங்கள் என்றென்றும் தொடங்கும் போது, ​​உங்கள் அனைவரிடமிருந்தும் இப்போதும் எப்போதும் அன்பை இரட்டிப்பாக்க முயல்கிறோம்." என தெரிவித்திருந்தார்.

பிக்பாஸ் தமிழ் சீசன்-1ல் கலந்துகொண்டத் தொடர்ந்து பிரபலமான தமிழ் நடிகர் ஹரிஷ் கல்யாண், தனது வருங்கால மனைவி நர்மதா உதயகுமாரை திருமணம் செய்துகொண்டார். சென்னையில் உள்ள திருவேற்காடு ஜிபிஎன் பேலஸில் பிரமாண்டமான விழாவாக திருமணம் நடைபெற்றது.

harish kalyan marriage

இந்நிகழ்ச்சியில் தமிழ் திரையுலக பிரபலங்கள் பலரும், அவரது ரசிகர் பட்டாளமும் கலந்து கொண்டனர். மேலும் ஹரிஷ் கல்யாணின் அபிமான நட்சத்திரமான நடிகர் சிம்புவும் அவர்களது திருமண விழாவில் கலந்து கொண்டு சிறப்பித்தார்.

கடந்த இரண்டு நாட்களுக்கு முன்பு, ஹரிஷ் கல்யாண் அனைத்து ஊடகவியலாளர்களையும் ஒரு சிறப்பு சந்திப்பு மற்றும் வாழ்த்து நிகழ்வுக்கு அழைத்து, திருமணத்தைப் பற்றிய செய்தியை வெளியிட்டிருந்தார். அப்போது அவர், தனது திருமணம் நிச்சயிக்கப்பட்ட திருமணம் என்று தெரிவித்தார்.

மேலும் அவர், இது நிச்சயிக்கப்பட்ட திருமணம். அவள் பெயர் நர்மதா உதயகுமார். நாங்கள் எங்கள் குடும்பங்கள் மூலம் சந்தித்து ஒருவரையொருவர் விரும்பினோம். இப்படி ஆரம்பித்தது எங்கள் பயணம். அவளை என் வாழ்க்கைத் துணையாகக் கொண்டிருப்பதில் மகிழ்ச்சி அடைகிறேன் என தெரிவித்திருந்தார்.

ஹரிஷ் 2010ம் ஆண்டு முதல் படங்களில் நடித்து வந்தாலும், பிக் பாஸ் தமிழ் நிகழ்ச்சியில் பங்கேற்ற பிறகு அவர் பிரபலமான முகமாக மாறினார். பிக் பாஸ் நிகழ்ச்சிக்குப் பிறகு வெற்றியை ருசித்த சில போட்டியாளர்களில் இவரும் ஒருவர். முதல் சீசனின் ரன்னர்-அப் ஆன பிறகு, ஹரிஷ் 'பியார் பிரேமா காதல்' என்ற படத்தில் நடித்தார். அந்த படமும் வெற்றியை தேடித்தந்தது. பின்னர் அவர் 'தாராள பிரபு' மற்றும் 'ஓ மணப்பெண்ணே'ஆகிய படங்களிலும் நடித்தார், அவை நல்ல வெற்றியைப் பெற்றுள்ளன.

இந்த நிலையில் நேற்று சென்னையில் உள்ள திருவேற்காடு ஜிபிஎன் பேலஸில் ஹரிஷ் கல்யாண்- நர்மதாவுக்கும் பிரமாண்டமாக திருமணம் நடைபெற்றது. தற்போது இதன் புகைப்படங்கள் இணையத்தில் வெளியிடப்பட்டுள்ளன. திருமணத்தில் கலந்துகொண்ட நடிகை பிந்து மாதவி திருமண ஜோடியின் புகைப்படங்களை வெளியிட்டுள்ளார். இந்த புகைப்படங்கள் தற்போது சமூக வலைதளங்களில் வைரலாகியுள்ளது.