தெலுங்கில் குத்தாட்டம் போட்டு குதூகலப்படுத்தும் நடிகை அஞ்சலி..!
நடிகை அஞ்சலி தெலுங்குப் படத்தில் கவர்ச்சிகரமான குத்தாட்டம் போட்டுள்ளார். அப்படத்தை சோஷியல் மீடியாவில் பகிர்ந்துள்ளார்.
HIGHLIGHTS
இயக்குநர் ராம் இயக்கத்தில் 'கற்றது தமிழ்' படம் மூலமாக தமிழ்த் திரையுலகில் அறிமுகமானவர் நடிகை அஞ்சலி. இதனைத் தொடர்ந்து, 'அங்காடி தெரு', 'எங்கேயும் எப்போதும்', 'கலகலப்பு', 'சேட்டை' உள்ளிட்ட பல வெற்றிப் படங்களில் நடித்து முன்னணி நாயகியர் வரிசையில் இடம் பிடித்து உயர்ந்தார்.
அண்மைக்காலமாக, அஞ்சலிக்குத் தமிழ்த் திரைப்படங்களில் வாய்ப்புகள் குறைந்து வந்த நிலையில் தெலுங்கு பக்கம் ஒதுங்கினார். அங்கும் குறிப்பிடத்தகுந்த வாய்ப்புகள் அமையாத நிலையில், சமூக வலைத்தளங்களில் கண்கொத்தும் கவர்ச்சிப் புகைப்படங்களை பதிவிட்டு, தனக்கு குடும்பப் பாங்கான வேடங்களில் நடிப்பது மட்டுமின்றி கிறங்கடிக்கும் குத்தாட்டமும் போடத் தெரியும் என்பதை இதன் மூலம் பறைசாற்றினார்.
'நிசப்தம்' படத்திற்குப் பிறகு தற்போது தெலுங்கில் ஷங்கர் இயக்கி வரும் ராம்சரணின் 15ஆவது படத்தில் ஒரு முக்கிய வேடத்தில் நடித்து வரும் அஞ்சலி, ஜான்சி என்ற வெப் தொடரிலும் நடித்து வருகிறார்.
இந்நிலையில், நடிகை அஞ்சலி தெலுங்கில் நிதின் நாயகனாக நடித்து வரும் ‛மச்சேர்லா நியோஜெகவர்கம்' என்ற படத்தில் ஒரு பாடலுக்குக் கவர்ச்சி நடனம் ஆடி இருக்கிறார்.
இதன் மூலம் ரசிகர்களின் உள்ளங்களில் தனது குத்தாட்டக் குலுக்கல் வழியாக உட்கார்ந்து வழிந்து, பலரின் தூக்கத்தை பணால் ஆக்குவது உறுதி என்பது போல தெலுங்குப் படத்தின் கவர்ச்சி குத்தாட்டப் போஸ்டரை தனது சமூகவலைத்தளத்தில் வெளியிட்டு வைரலாக்கியுள்ளார் நடிகை அஞ்சலி.