'சிறந்த விவசாயி' விருது பெற்றார் நடிகர் ஜெயராம்
Jayaram Actor - பிரபல மலையாள நடிகர் ஜெயராமுக்கு சிறந்த விவசாயி எனும் விருதை வழங்கி கேரள முதல்வர் பினராயி விஜயன் கவுரவித்தார்.
HIGHLIGHTS
Jayaram Actor -கேரள மாநில விவசாயத்துறை சார்பில் திருவனந்தபுரத்தில் விவசாய தின விழா நடைபெற்றது. இந்த விழாவில் 'சிறந்த விவசாயி' என்ற விருதினை நடிகர் ஜெயராமுக்கு கேரள முதல்வர் பினராயி விஜயன் வழங்கி கவுரவித்தார். எர்ணாகுளம் அருகே பெரும்பாவூர் பகுதியில், ஐந்தரை ஏக்கர் நிலத்தில், 'ஆனந்த் பண்ணை' என்ற பெயரில், நடிகர் ஜெயராம் 10 ஆண்டுகளுக்கு மேலாக மாட்டு பண்ணையை நடத்தி வருகிறார். அறுபதுக்கும் மேற்பட்ட பசுக்களை, தன் பண்ணையில் வளர்த்து வருகிறார். இவரது விவசாய பணிகளை பாராட்டி, கேரள மாநில அரசு இந்த விருதை வழங்கி கவுரவித்துள்ளது.
நடிகர் ஜெயராம் தமிழிலும் நிறைய படங்களில் நடித்துள்ளார். முறைமாமன், பஞ்சதந்திரம், துப்பாக்கி உள்ளிட்ட பல படங்களில் இவரது நடிப்பு ரசிகர்களால் பாராட்டப்பட்டது.
அடுத்த முக்கியமான செய்திகளை தெரிந்துகொள்ள: Click Here-1, Click Here-2