நடிகர் கௌதம் கார்த்திக்- மஞ்சுமா நவம்பர் 28 இல் திருமணம்.. சென்னையில் நடைபெறும் என அறிவிப்பு

நடிகர் கௌதம் கார்த்திக்- நடிகை மஞ்சுமா திருமணம் சென்னையில் நவம்பர் 28 ஆம் தேதி எளிமையாக நடைபெறும் என அறிவிக்கப்பட்டுள்ளது.

HIGHLIGHTS

  • Whatsapp
  • Telegram
  • Linkedin
  • Print
  • koo
  • Whatsapp
  • Telegram
  • Linkedin
  • Print
  • koo
  • Whatsapp
  • Telegram
  • Linkedin
  • Print
  • koo
நடிகர் கௌதம் கார்த்திக்- மஞ்சுமா நவம்பர் 28 இல் திருமணம்.. சென்னையில் நடைபெறும் என அறிவிப்பு
X

நடிகர் கௌதம் கார்த்திக்- நடிகை மஞ்சுமா.

நவரச நாயகன் கார்த்திக் - நடிகை ராகினி தம்பதியின் மகன் கௌதம் கார்த்திக். இவர், கடந்த 2013 ஆம் ஆண்டு மணிரத்னம் இயக்கிய கடல் திரைப்படத்தின் மூலம் கதாநாயகனாக தமிழ் திரை உலகில் அறிமுகம் ஆனார். தொடர்ந்து, இந்திரஜித், ரங்கூன், இவன் தந்திரன், தேவராட்டம் உள்ளிட்ட படங்களில் நடித்தார்.

நடிகர் பார்த்திபனுடன் இணைந்து யுத்தம் செய், விஜய் சேதுபதியுடன் இணைந்து ஒரு நல்ல நாள் பார்த்து சொல்லுறேன், ஹர ஹர மகாதேவி, மிஸ்டர் சந்திரமௌலி, வை ராஜா வை, இருட்டு அறையில் முரட்டு குத்து, ஆனந்தம் விளையாடும் வீடு உள்ளிட்ட படங்களிலும் கௌதம் கார்த்திக் நடித்து உள்ளார்.

இந்த நிலையில், கடந்த 2019 ஆம் தேதி கௌதம் கார்த்திக் நடித்து வெளியான தேவராட்டம் படம் வசூல் ரீதியாக வெற்றி பெற்றது. அந்தப் படத்தில் கௌதம் கார்த்திற்கு ஜோடியாக மலையாள நடிகை மஞ்சுமா மோகன் நடித்து இருந்தார். பார்ப்பதற்கு தமிழ் பெண் போல இருக்கிறார் என மஞ்சுமாவுக்கு அந்தப் படத்தில் நல்ல பெயர் கிடைத்தது.


மலையாளத்தில் பத்திற்கும் மேற்பட்ட படங்களில் குழந்தை நட்சத்திரமாக நடித்திருந்த மஞ்சுமா மோகன் ஒரு வடக்கன் செல்பி என்ற திரைப்படத்தின் மூலம் கதாநாயகியாக அறிமுகம் ஆனார். தொடர்ந்து, கௌதம் வாசுதேவ் மேனன் இயக்கத்தில் சிலம்பரசன் கதாநாயகனாக நடித்து வெளியான அச்சம் என்பது மடமையடா என்ற படத்தில் மஞ்சுமா மோகன் தமிழ் திரையுலகிற்கு அறிமுகம் ஆனார்.

பின்னர், தேவராட்டம் படத்தல் கௌதம் கார்த்திக்குடன் இணைந்து நடித்தார். அந்தப் படத்தின் படப்பிடிப்பின்போது கௌதம் கார்த்திக்கும், மஞ்சுமாவும் நெருங்கி பழகினர். அப்போதே இருவரும் திருமணம் செய்து கொள்ளப் போவதாக தகவல் பரவியது. இருப்பினும், இருவர்களும் நண்பர்களாகவே பழகுகிறோம் என தெரிவித்தனர். பின்னர், காதலில் விழுந்த இருவரும் திருமணம் செய்து கொள்ளப் போவதாக சமீபத்தில் அறிவித்தனர்.

இந்த நிலையில், நடிகர் கௌதம் கார்த்திக்கும், நடிகை மஞ்சுமாவும் இணைந்து இன்று சென்னையில் செய்தியாளர்களை சந்தித்தனர். அப்போது அவர்கள் கூறியதாவது:

பெரியோர்கள் மற்றும் குடும்பத்தினர் ஆசியோடு எங்கள் இருவருக்கும் சென்னையில் நவம்பர் 28 ஆம் தேதி காலை 10 மணிக்கு திருமணம் நடைபெறுகிறது. சென்னையில் உள்ள ஒரு தனியார் இடத்தில் சிறிய குடும்ப நிகழ்வாக திருமணம் நடைபெறுகிறது.

தேவராட்டம் படத்தில் நடித்தபோது நண்பர்களாகவே பழகினோம். அதன் பிறகு ஓராண்டு கழித்து காதல் மலர்ந்தது. அனைவரது ஆசியோடும் தற்போது திருமணம் நடைபெற உள்ளது என இருவரும் தெரிவித்தனர். பின்னர், கௌதம் கார்த்திக்- மஞ்சுமா இணைந்து புகைப்படத்திற்கு போஸ் கொடுத்தனர்.

பேட்டியின்போது, நடிகர் கௌதம் கார்த்திக் கூறியதாவது:

மஞ்சுமாவிடம் முதலில் நான் தான் காதலை சொன்னேன். அவர் இரண்டு நாட்களில் பதில் கூறுவதாக தெரிவித்தார். அந்த இரண்டு நாட்களும் எனக்கு பதட்டமாக இருந்தது. பின்னர், அவர் எனது காதலை ஏற்றுக் கொண்டார். தனிப்பட்ட வாழ்வில் மஞ்சுமா மிகவும் தைரியமானவர்.

தற்போது 1947 மற்றும் பத்து தல ஆகிய படங்களில் நடித்து வருகிறேன். திருமணத்திற்கு பிறகு மஞ்சுமா நடிப்பாரா என்பதை இப்போது கூற முடியாது. இருவரது பெற்றோர் ஆசியுடன் தான் இந்தத் திருமணம் நடைபெறுகிறது என கௌதம் கார்த்திக் தெரிவித்தார்.

Updated On: 2022-11-23T23:10:42+05:30

Related News

Latest News

  1. உலகம்
    கொலம்பியா நிலச்சரிவு: உயிரிழந்த 34 பேரில் எட்டு சிறுவர்கள்
  2. தென்காசி
    தென்காசி மாவட்டத்திற்கு முதல்வர் வருகை: பாதுகாப்பு குறித்து தென்மண்டல...
  3. நாமக்கல்
    நாமக்கல் உழவர் சந்தை: காய்கறி மற்றும் பழங்கள் விலை நிலவரம்
  4. திருவில்லிபுத்தூர்
    தொடர் மழை: சதுரகிரிமலை சுந்தர மகாலிங்கம் கோயிலுக்கு செல்ல...
  5. தொழில்நுட்பம்
    எலோன் மஸ்க் பயன்படுத்தவுள்ள நியூராலிங்க் தொழில்நுட்பம் என்றால்
  6. விளையாட்டு
    உலகக்கோப்பை கால்பந்து: காலிறுதிக்கு முன்னேறியது பிரேசில்
  7. திருவண்ணாமலை
    கார்த்திகைத் தீபத் திருவிழா: சிறப்பு அலங்காரத்தில் அண்ணாமலையார்...
  8. திருவண்ணாமலை
    அண்ணாமலையார் கோவிலில் பரணி தீபம் ஏற்றப்பட்டது
  9. இந்தியா
    சபரிமலையில் கூடுதல் பாதுகாப்பு.. தீவிர சோதனைக்குப் பிறகே பக்தர்கள்...
  10. தூத்துக்குடி
    தூத்துக்குடி மாவட்டத்தில் பாலித்தீன் பைகளில் உணவுப் பொருட்களை...