நாய் பைக்கை விரட்டினா..என்ன செய்றது..? நாய் சைக்காலஜி தெரியணும்..? தெரிஞ்சிக்கங்க..!

What you want to do when dogs chase you while driving vehicles-பொதுவாகவே நாய்கள் வேகமாக ஓடும் வாகனங்களை மட்டுமே விரட்டும். மேலும் புதிதாக வாகனம் ஒன்றை கண்டாலும் விரட்டும். நாய் உளவியல்படி நாய்க்கு அதன் எல்லைக்குள் யாரும் நுழையக்கூடாது என்று நினைக்கும் விலங்கு. அதனால்தான் வேறு நாய்கள் வந்தாலும் விரட்டியடிக்கும்.

இதே உளவியல் தத்துவம்தான் கார் மற்றும் பைக்குகளில் செயல்படுத்தப்படுகிறது. எத்தனையோ பேர் பைக்கில் நாய்விரட்டி விழுந்து விபத்துக்குள்ளாகி இருக்கிறார்கள் என்பது நமக்குத் தெரியும். இன்னும் சொல்லப்போனால் நாய் விரட்டி தாறுமாறாக விழுந்து உயிரை விட்டவர்களுக்கு உண்டு.

என்ன செய்யலாம்

இதற்கு நமது விவேகமற்ற செயலே காரணம். ஆமாங்க..நாய் விரட்டும் போது வாகனத்தை நிறுத்துங்கள் அலலது வேகத்தை குறையுங்கள். நாய் விரட்டாமல் திரும்பிவிடும். பொதுவாக இரவு நேரங்களில் பைக் அல்லது காரில் செல்லும்போது வாகனத்தின் டயரை பார்த்து நாய்கள் குறைத்துக்கொண்டே பைக் அல்லது காரை விரட்டும்.நாய்விரட்டுவதைப்பார்த்து பதற்றத்தில் வேகமாக செல்ல முற்படுவோம். இதுவே விபத்துக்கான காரணமாகிவிடும். நாய் விரட்டும் வேகத்தை குறைத்தாலே போதும்.

​​ஏன் துரத்துகிறது?

பைக் அல்லது காரை நிறுத்தி வைத்திருந்தால் சரியாக நாய் வந்து டயரில்தான் 'யூரின்' போகும். கவனித்து இருப்பீர்கள். அதன் வடிவமைப்பு நாய்க்கு வித்தியாசமாக இருப்பதால் அப்படி செய்கிறது. அதேபோல பைக் அல்லது கார் ஓடும்போது டயரின் சுழற்சி அதன் மனதில் ஒரு வேகக்கிளர்ச்சியை தூண்டுகிறது. அதனால், சுழலும் டயர் மீது வெறுப்பு ஏற்பட்டு விரட்டுகிறது. அது கூட நாய் மனதில் ஏற்படும் அச்சமே காரணம்.

நாய் சைக்காலஜி

What you want to do when dogs chase you while driving vehicles-நாய் உளவியலை (சைக்காலஜி ) தெரிஞ்சிக்கிட்டால் அது நமக்கு ஒரு பிரச்னையே இல்லை. அட ஆமாங்க..நாய்க்கு நாம வேகமா போறது பிடிக்கலை. அதுக்கு டயர பார்த்தால் வல்லுன்னு விழத்தோன்றுது. அதனால அது நம்மள சாரி..வாகனத்தை விரட்டுது. நாய் சைக்காலஜி தெரிஞ்ச நாம என்ன செய்யணும்? வாகனத்தை 'ஸ்லோவ்' பண்ணனும். அவ்ளோதாங்க. நாய் நாய்ப்பாட்டுக்கு போய்டும்..நாம நாமபாட்டுக்கு போய்டலாம்.

இதனால் விபத்தும் ஏற்படாது. நமக்கும் காயம் ஏற்படாது. சிம்பிள் லாஜிக். ஓகேங்களா...?